Luka 10:25 - AHYERƐLƐ KRONGRON

²⁵ Na yieee, mmeraa nwo nimdeɛniɛ bie dwɔso gyinane berɛ sole Yesu neane kyɛ, “Kyerɛkyerɛniɛ, nzu yeɛ nyɔ ná manya daa ngoa ɔ?”

Luka 10:25 Iomraidhean Croise

Marko 10:17

Yesu pene atee so bɔ ɔkɔ nen, biaa bie tuli amirika ɔɔkotole ye nyunu berɛ, na obisale ye kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Marko 10:3

Na ye koso obuale bɛ kyɛ, “Nzikyɛ mmeraa yeɛ Mose hyehyɛ mane ɛmɔ ɔ?”

Marko 12:28

Na ahyerɛlɛfoɛ nemɔ nu ko bɔ ɔtele kyɛ besu aporowaa, ná onwuni kyɛ Yesu abua bɛ yé ne, oobisale Yesu kyɛ, “Mmeraa dwirɛ beni yeɛ ye nwo hia paa ɔ?”

Luka 10:24

Na mekã mekyire ɛmɔ kyɛ, ngɔmhyɛlɛfoɛ ne ahemvo pee behurole kyɛ ahaa bekonwu bɔ ɛmɔnwu ye ye, nakoso bannwu ye; ɔne kyɛ bɛkɔte bɔ ɛmɔte ye, nakoso bande.”

Luka 10:26

Na Yesu bisale ye kyɛ, “Nzikyɛ yeɛ bahyerɛ ye wɔ mmeraa ne anu ɔ? Sɛɛ yeɛ ɔyɛ a ɛkenga ye ɔ?”

Luka 18:18

Yeɛ panyi bie bisale Yesu kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Luka 7:30

Nakoso Farasiifoɛ ne mmeraa nwo nimdeɛfoɛ nemɔ de, bɛpole Nyameɛ botaeɛ bɔ ɔwɔ berɛ ma bɛ ne, na bamma bammɔ bɛ asu.)

Yohane 8:6

Bɛhane ɛhe bɛfa besuale ye ngaen, kyɛbɔ bekonya edwirɛ bie bɛkɔfa bɛkɔbɔ ye kwaadu ɔ. Na Yesu kunduni berɛ, na ɔfale ye sa mmɛseka hyerɛhyerɛle aseɛnwo berɛ.

Galatiafoɛ 3:18

Ofikyɛ sɛ Nyameɛ agyapadeɛ ne gyi mmeraa ne aso a, nzaade oggyi bɔhyɛ so ko; nakoso Nyameɛ nate bɔhyɛ so yeɛ ɔfale agyapadeɛ ne hyɛle Abraham ɔ.