Luka 10:21 - AHYERƐLƐ KRONGRON

²¹ Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Luka 10:21 Iomraidhean Croise

Edwein 24:1

Aseɛ ye, ɔne so nningyein amukoraa bɛte AWURADE deɛ; ewiase ne bɔ ɔwɔ nu amukoraa bɛte ye deɛ,

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Edwein 8:2

Ɔnate wɔ pɔfoɛ mɔ ti, yeɛ kyɛbɔ ɔkɔyɛ bɔ ɛkɔhã pɔfoɛ ne ne wereɛtɔlɛniɛ ne bɛ noa kɔto nu ne ati, nnɔma ne ngwadaa mmaa mmaa bɛ noa, yeɛ ɛfa so ma mmenia te w’animnyam nwo dwirɛ ɔ.

Yesaya 29:14

yiti, tie, ngɔhɔ so ngɔyɔ nikyee bɔ ɔyɛ nwanwa bɔ ɔkɔma me maen he nwo kodwiri ye ɔ. Bɛ nworɛfoɛ nemɔ, bɛ nworɛ kɔyɛ mbaen, na bɛ badwemma mɔ bɛ nworɛ ne, so kɔkata.”

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 62:5

Na kyɛbɔ aberandeɛ gya ababunu ne, sɔ ala yeɛ wɔ mma mmienzua mɔ bekogya wɔ ɔ; yeɛ kyɛbɔ atɔmvorɛ biaa odi ahurusi wɔ atɔmvorɛ braa nwo ne, sɔ ala yeɛ wɔ Nyameɛ koli ahurusi wɔ wɔ nwo ɔ.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Mateo 21:16

Yiti bebisale ye kyɛ, “Aso ɛte bɔ ɛhemɔ bɛ́kã ne?” Na Yesu buale bɛ kyɛ, “Yoo, aso ɛmɔkkenngale ye le kyɛ, ‘Ngwadaa ne nnɔma bɔ bɛno nyɔfone bɛ noa nu yeɛ asiesie ayɛyelɛ ɔ’ anaa.”

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Marko 10:15

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Luka 15:5

Na sɛ onwu ye a, ɔfa ye to ye kɔme anwo, na odi ahurusi.

Luka 15:9

Na sɛ onwu ye a, ɔfrɛfrɛ ye mmango mɔ ne ye mandamu berɛ ama maa bɛbayia, na ose kyɛ, ‘Ɛ́mɔma yɛgye yɛ nye, ofikyɛ manwu sikadwetɛ bɔ ominini ne.’

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

2 Korintofoɛ 4:3

Na sɛ yɛ nzɛmba ne aso akata a, so akata ama bɛ bɔ bɛwɔ so bemini ne.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:5

Na ɔneaneane nu yele yɛ siele berɛ kyɛ ɔnate Yesu Kristo so ɔkɔfa yɛ kɔyɛ ye mma, kyɛbɔ ye nhyehyɛleɛ botaeɛ te ne;