Luka 10:2 - AHYERƐLƐ KRONGRON

² Na osele bɛ kyɛ, “Nnɔbaeɛtelɛ adwuma ne te piri, nakoso adwumayɔlɛfoɛ nemɔ bɛte kãa; yiti ɛ́mɔsrɛ nnɔbaeɛtelɛ ye Mene ne, ná ɔsoma adwumayɔlɛfoɛ ma bɛbra ye nnɔbaeɛtelɛ adwuma ne anu.”

Luka 10:2 Iomraidhean Croise

1 Ahemvo 18:22

Yeɛ Elia sele maen ne kyɛ, “AWURADE ngɔmhyɛlɛfoɛ ne, me ngome twe yeɛ mahã ɔ; nakoso Baal ahɔmeɛ nemɔ de, bɛte ɛyaa nna aburannu.

Edwein 68:11

AWURADE fa ye noa dwirɛ ne ɔma, na bɛ bɔ bɛbɔ ye nwo dawure ne, bɛsone pee.

Yeremia 3:15

“ ‘Ngɔye neafoɛ mɔ bɔ bɛla m’ahone nwo ɔ ngɔma ɛmɔ, bɔ bɛkɔfa nimdeɛ ne nworɛ bɛkɔtete ɛmɔ ɔ.

Sakaria 11:17

Mmoaenneafoɛ tɛɛ bɔ ɔto mmoaen nemɔ asaworam ne, ye yaakɔ! Ngrandɛ kɔpɛ ye sa, yeɛ okotu ye nye famaa. Ye sa kowu bɔkɔɔ, na ye nye famaa kosi bɔkɔɔ.”

Sakaria 11:5

Bɛ bɔ bɛtɔ bɛ ne, bekuku bɛ bɛfa bɛ nwo bedi. Yeɛ bɛ bɔ bɛyɛ bɛ atɔen ne koso, bɛkã kyɛ, ‘Animnyam hã AWURADE, ofikyɛ manya me nwo’; yeɛ bɛ bɔbɔ bɛ neafoɛ nemɔ koso bennwu bɛ anwumvoin.

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Mateo 20:1

“Nyameɛso ahennie ne, ɔte kyɛ eboo mene bie bɔ ngyerɛmɔ tutuutu ɔhɔle kyɛ ɔkwaabɔ adwumayɔlɛfoɛ paa maa bɛyɔ adwuma wɔ ye bobe boo nu ɔ.

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Marko 16:20

Na bɛ de, bɛhɔle bɛɛhane nzɛmba ne nekaa biala, na Awurade fale bɛ yɔle adwuma, na ɔfale nzɛngyerɛnneɛ bɔ ɔboka so ne aso ɔfoale edwirɛ ne aso. Amen.]

Luka 9:1

Yesu frɛle asuafoɛ buru ne nyɔ ne maa beeyiale, na ɔmane bɛ sunzummɔne amukoraa ne anwonyerɛsalɛ so tumi ne anwoserɛ.

Asomafoɛ 11:19

Setefano hunɛ ne asi ne, ayaayaadeɛ bɔ bɛfa bɛyɔle agyidifoɛ ne maa bɛbɔle aya. Ebiemɔ nwatili alaa beefitele Fonikia, Kipro ne Antiokia, na Yudafoɛ ngome yeɛ bɛhane nzɛmba ne behyirele bɛ ɔ.

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 13:4

Sunzum Krongron ne somane Banaba ne Sɔɔlo nen, besili nu bɛhɔle Selukia, na bɛfale ɛlɛen befili berɛ bɛhɔle Kipro.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 8:4

Na agyidifoɛ bɔ bɛbɔle aya ne, behyinini bɛhane nzɛmba ne.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Filipifoɛ 2:21

Bɛ mukoraa bɛpena bɛ bɔbɔ bɛ deɛ, na mmom nna bɔ ɔte Yesu Kristo deɛ ɔ.

Filipifoɛ 2:25

Nakoso madwene ye nwo kyɛ ohia kyɛ mesoma nniɛma Epafrodito ɛmɔ berɛ. Ɔte mmiɛngo adwumayɔlɛniɛ ne mmiɛngo asraaniɛ, ɛmɔ bɔfoɛ ne me bokafoɛ;.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

1 Tɛsalonikafoɛ 5:12

Aliɛmaa mɔ, yɛsrɛ ɛmɔ kyɛ, ɛ́mɔfa anidie bɛ́ma bɛ bɔ bɛyɔ adwuma wɔ ɛmɔ nu, ná bedi ɛmɔ so panyi wɔ Awurade nu, ná betu ɛmɔ foɛ ne;

2 Tɛsalonika 3:1

Bɔ ɔpɛ ye bo ɔ, aliɛmaa mɔ, ɛ́mɔbɔ mbaeɛ bɛ́ma yɛ, kyɛ Awurade nzɛmba ne onya atee trɛ ndɛndɛ ná onya animnyam, kyɛbɔ wanya ye wɔ ɛmɔ berɛ ne.

1 Timoteo 4:10

Ɛhe ati yeɛ yɛyere yɛ nwo yɛyɔ adwuma serɛ ɔ, ofikyɛ yafa yɛ nye yato Nyameɛ teasefoɛ, bɔ ɔte mmenia amukoraa, nganga agyidifoɛ Ngoadefoɛ ne aso.

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.

Filemɔn 1:1

Pɔɔlo, Kristo Yesu kukununiɛ, yeɛ aliɛmaa Timoteo, yɛ́fa yɛbrɛ yɛ damvo paa ne yɛ biɛngo adwumayɔlɛniɛ Filemon,

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe: