Luka 10:15 - AHYERƐLƐ KRONGRON

¹⁵ Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu.

Luka 10:15 Iomraidhean Croise

Gyenesise 11:4

Afei besele kyɛ, “Biamɔ, ɛ́mɔma yɛkyekye yɛ kuro, ná yɛsi abandenden bɔ odwu nyameɛso yɛsie so, ná yɛfa yɛle dumaa, amaa yammɔ aya wɔ aseɛ ye aso amukoraa.”

Yesaya 5:14

Ye sɔ ne ati, ɛborɔ ye komvi ode ye tekɔtekɔ paa, wabukye ye noa nu fakaa, na Yerusalem animnyamfoɛ ne ye mmenia worawora ne ye lɔen ne bɛ bɔ bɛ nye gye ye nu ne, bekoowura nu.

Yeremia 51:53

Sɛ Babilɔn fo kɔ anwuro anwuro, ná omiamia ye anwoserɛ abandenden ne anu po a, sɛkyefoɛ kofi me berɛ kɔhɔ ye so, AWURADE noa dwirɛ ɛne.

Hesekiel 26:20

ye de, ngɔfa wɔ ngɔboka bɛ bɔ ofi tetetete bedwu ase bɛkɔ ɛborɔ kumaa nu ne aso, na ngofindi wɔ ngɔto ase. Ngɔmaa ɛkɔtena aseɛ bo dɔ, nekaa bɔ berɛ te aworabɔlɛ fi tetetete ne, ɛne bɛ bɔ bedwu ase bɛkɔ ɛborɔ kumaa nu ne, amaa ɔnate so ebiala wandena wɔ nu ko, na ngɔma animnyam kɔwa ateasefoɛ aseɛ so.

Hesekiel 31:18

Eden mmakaa nu beni yeɛ w’animnyam ne wɔ piri ɔne ye sɛ ɔ? Nakoso bɛkɔfa wɔ ne Eden mmakaa bɛkɔhɔ aseɛ bo; ɛkɔɔboka bɛmbɛ-bɛ-bienzuafoɛ so, ɔne bɛ bɔ batotɔ ngrandɛ noa ɔ so. “Ɛhe fa Faro ne ye lɔen worawora ne amukoraa anwo, AWURADE Nyameɛ noa dwirɛ ɛne.”

Hesekiel 32:18

“Sona awa, bɔ Misraim lɔen worawora ne ti so awuye, na bɛ ne maen maen atitire mɔ bɛ mma mmrasua nemɔ, gyi bɛ gua aseɛ bo dɔ maa bɛɛboka mmenia bɔ bahɔ ɛborɔ kumaa nu dɔ ne aso.

Hesekiel 32:20

Bɛkɔtotɔ wɔ bɛ bɔ batotɔ ngrandɛ noa ɔ bɛ nu. Mafa ye mawura ngrandɛ sa, yiti twe ye ne ye lɔen worawora ne amukoraa kɔ.

Hesekiel 32:27

Na bɛmbɛ-bɛ-bienzuafoɛ anwoserɛfoɛ bɔ batotɔ, bɔ bɛfale b’akodeɛ bɛhɔle ɛborɔ, bɔ bɛfale bɛ ngrandɛ besiele bɛ, bɔ b’amumuyɛɛ ahã bɛ mmowue ne, bɛ ne bɛ ngɔla ngɔbɔ nu; ɔwɔ nu kyɛ anwoserɛfoɛ nemɔ bɛmane bɛ nwo suronyi tɔle mmenia so wɔ ateasefoɛ aseɛ so de.

Obadia 1:4

Sɛ etu kɔ anwuro kyɛ kɔleɛ po, ná ɛkyekye wɔ saen wɔ nzramaa mɔ anu po a, berɛ yeɛ ngɔhwe wɔ ngofi ngɔto ase ɔ, AWURADE noa dwirɛ ɛne.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 11:23

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu. Ofikyɛ, nnwumaa mbiri mbiri bɔ bɛyɔle bɛ wɔ wɔ nu ne, sɛ bɛyɔle bɛ wɔ Sodom a, ahaa ɔtɛwɔ berɛ maa waadwu ɛnɛ.

Mateo 4:13

Otu fili Nasarɛte ɔɔtenane Kapanɔm bɔ ɔwɔ mboanoa, wɔ Sebulɔn ne Nafetali mbɔtam.

Luka 13:28

Na sɛ ɛmɔnwu Abraham, Yisake, Yakob ne ngɔmhyɛlɛfoɛ ne amukoraa kyɛ bɛwɔ Nyameɛ ahennie ne anu, ná ɛmɔ de bafoa ɛmɔ bafi nu a, ɛmɔkɔbɔ awuye ná ɛmɔanwose ɛmɔ gye.

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Deuteronomi 1:28

Nisua paa yeɛ yɛkɔ ye? Y’eliɛma mɔ amaneɛ bɔ bɛɛbɔle ne ama y’ahone atu. Bɛnwa: ‘Mmenia nemɔ mbiri ne bɛ ndendenn tra yɛ; nguro nemɔ te mbiri, na bale bɛ nwo waen bahɔ anwuro anwuro paa. Yɛnwuni Anake ye bosofoɛ po wɔ berɛ!’ ”

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;