Luka 1:8 - AHYERƐLƐ KRONGRON

⁸ Na ɔwale kyɛ, odwuli ye asɔfo kure ne aso, bɔ né ɔyɔ ye ɔsɔfo dwuma wɔ Nyameɛ nyunu ɔ.

Luka 1:8 Iomraidhean Croise

1 Aberɛso Dwirɛ 24:19

Sɔ mmenia nemɔ, bɛ nu biala kɔ AWURADE awuro ne anu ɔkɔyɔ ye adwuma. Nhyehyɛleɛ bɔ bɛ nana Aarɔn nate AWURADE Yisrael Nyameɛ dwirɛ so hyehyɛ mane bɛ ne, so yeɛ begyinane bɛyɔle b’adwuma ɔ.

1 Aberɛso Dwirɛ 24:2

Nakoso Nadabo ne Abihu bewuli bɛyakyili bɛ baba bɔ banwo ba ɔ. Yiti Eleasa ne Yitama yeɛ bɛɛyɛle asɔfo ɔ.

2 Aberɛso Dwirɛ 11:14

Lewifoɛ nemɔ yakyili b’aseɛ ne b’agyapadeɛ mɔ berɛ bɛwale Yuda ne Yerusalem, ofikyɛ Yeroboam ne ye mma mmienzua nemɔ, bamma bɛ ate maa banyɔ AWURADE asɔfo adwuma ne.

2 Aberɛso Dwirɛ 31:19

Na Aarɔn boso ama bɔ bɛ yeɛ bɛte asɔfo, bɔ né bɛtete aseɛ bɔ wapɛ bɛ nguro nemɔ anwo bayia ne aso ne, mmenia bɔ babɔ bɛ dumaa bafa adwuma ne bawura bɛ sa ne, né odi kyɛ bɛkyɛ nningyein ne bie bɛma asɔfo nemɔ anu bienzua biala ɔne Lewiniɛ biala bɔ bahyerɛ ye dumaa ɔ.

2 Aberɛso Dwirɛ 31:2

Hesekia hyehyɛle asɔfo nemɔ ne Lewifoɛ nemɔ anu kure kure fale ebiala ye adwuma wurale ye sa; kyɛ asɔfo nemɔ ne Lewifoɛ nemɔ bɛ́bɔ naen yeralɛ afɔleɛ ne asomdwee afɔleɛ, kyɛ bɛ́yɔ ɛsɔnenɛ adwuma wɔ AWURADE asikyeleɛ pambim nemɔ anu, ná bɛ́ye AWURADE ayɛ bɛ́la ye ase.

2 Aberɛso Dwirɛ 8:14

Solomon gyinane ye baba Dawide nhyehyɛleɛ so fale asɔfo kure kure nemɔ b’adwuma wurale bɛ sa. Afei ɔfa wurale Lewifoɛ nemɔ sa kyɛ beli maen ne nyunu maa bɛto dwein bɛye AWURADE ayɛ, ná bɛboka asɔfo nemɔ wɔ bɛ daa daa ɛsɔnenɛ adwumayɔlɛ nu. Afei koso, pambim awɛmvoɛ nemɔ, ɔfale kure biala ye pambim deɛ wurale ye sa, kyɛbɔ Nyameɛ sona Dawide hyɛle ne.

Ɛsra 6:18

Afei bɛmane asɔfo nemɔ hɔle bɛ kure kure nu, yeɛ Lewifoɛ nemɔ koso bɛ fekue fekue nu. Na bɛfale Nyameɛ sɔnenɛ nwo adwuma wɔ Yerusalem bewurale bɛ sa, kyɛbɔ bahyerɛ ye Mose nwomaa ne anu ne.

Ɛksadɔso 28:1

“Afei, ye eliɛma Aarɔn ne ye mma mmienzua nemɔ sie ahameɛ fi Yisraelfoɛ nu ma bɛbra wɔ berɛ, ná beeli sɔfo bɛso me. Mekyire Aarɔn ne ye mma mmienzua Nadabo ne Abihu, yeɛ Eleasa ne Yitama.

Ɛksadɔso 28:41

Ɛkɔfa kowura eliɛma Aarɔn, ɔne ye mma mmienzua mɔ bɔ bɛboka ye so ne. Afei ɛkɔfa ɛpopalɛ ngoo kogua bɛ ti so, ɛkɔyɛ bɛ sɔfo, ná ate bɛ nwo maa bayɛ krongron, ná bali sɔfo baso me.

Ɛksadɔso 29:1

“Afei yɔ ɛhe fa te bɛ nwo ma bɛyɛ krongron, ná beli sɔfo bɛso me: Fa nandwie nyii akrɔngrɔma ko ɔne mmoaen nyii nyɔ bɔ bellili nnɛen ɔ,

Ɛksadɔso 29:44

Ngɔte ɛtena sua atenaleɛ berɛ ne afɔleɛ bokyea ne anwo, na ngɔte Aarɔn ne ye mma mɔ nwo, ná bali sɔfo baso me.

Ɛksadɔso 29:9

Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Ɛksadɔso 30:30

Fa ɛpopalɛ ngoo ne gua Aarɔn ne ye mma mmienzua nemɔ ti so, ná te bɛ nwo ma beli sɔfo bɛso me.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Luka 1:5

Yudea hene Herode aberɛ so, né ɔsɔfo bie wɔ berɛ bɔ bɛfrɛ ye Sakaria, bɔ ofi Abiya asɔfo kure nu ɔ. Né ɔye te Aarɔn bosofoɛ nemɔ anu bie, na ye dumaa li Elisabɛte.

Luka 1:7

Nakoso né belle ba, ɔnate kyɛ né Elisabɛte te mmotaen, yeɛ né bɛ munyɔ koso banyi paa.