Luka 1:78 - AHYERƐLƐ KRONGRON

⁷⁸ ɔnate yɛ Nyameɛ anwumvoinnwunɛ bɔ ɔma ye kunu tete ye ne anu. Na ye sɔ ati yeɛ alehyeleɛ bɔ ofi anwuro ɔ wapukye wɔ yɛ so ye,

Luka 1:78 Iomraidhean Croise

Edwein 25:6

Ao AWURADE, kaye w’anwumvoinnwunɛ ɔne wɔ ɔdɔ bɔ onni ngasi ne, ofikyɛ bɛwɔ berɛ fi tete.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Filipifoɛ 1:8

Nyameɛ di me adanzeɛ, kyɛ Kristo Yesu nu ɔdɔ yeɛ ngyi so bɔ me wora dɔ ɛmɔ amukoraa ɔ.

Filipifoɛ 2:1

Yiti sɛ Kristo nu nguraenhyɛlɛ bie wɔ berɛ, sɛ ɔdɔ aworakyekyerɛ bie wɔ berɛ, sɛ Sunzum nu abiɛngoɛfalɛ bie wɔ berɛ, sɛ ahunundetelɛ ne anwumvoinnwunɛ bie wɔ berɛ a,

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”