Luka 1:76 - AHYERƐLƐ KRONGRON

⁷⁶ Na wɔ, akwadaa he, bɛkɔfrɛ wɔ Anwuro Anwuroniɛ ne, ye ngɔmhyɛlɛniɛ; ɔnate kyɛ ekoli Awurade nyunu moa ekosiesie ye atee nu,

Luka 1:76 Iomraidhean Croise

Edwein 87:5

Na bɛkɔhã bɛkɔfa Sion nwo kyɛ, “Sona he ne asomasi koso, kuro ne anu berɛ yeɛ bɛwole bɛ ɔ”; ofikyɛ Anwuro Anwuro Nyameɛ ne bɔbɔ kɔmaa kuro ne kogyina.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Malaki 4:5

Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa.

Mateo 14:5

Ye sɔ ne ati, né Herode kuro kyɛ oku Yohane, nakoso né osuro mmenia ne, ofikyɛ né bebu Yohane kyɛ ɔte ngɔmhyɛlɛniɛ.

Mateo 21:26

Yeɛ sɛ yɛkã kyɛ, ‘Ofi mmenia berɛ’ a, yɛsuro mmenia worawora ne, ofikyɛ bɛ mukoraa bebu Yohane kyɛ ɔte ngɔmhyɛlɛniɛ.”

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

Mateo 3:3

Ye yeɛ ngɔmhyɛlɛniɛ Yesaya hane ye nwo dwirɛ kyɛ, “Ebie tea nu wɔ ɛserɛ so kyɛ, Ɛ́mɔsiesie Awurade atee, ná ɛ́mɔma ye atimbire tengyɛ.”

Marko 11:32

Yeɛ sɛ yɛkã kyɛ ‘Ofi mmenia berɛ’ a,’ ” — Né besuro mmenia ne, ofikyɛ né bɛ mukoraa bebu Yohane kyɛ ɔte ngɔmhyɛlɛniɛ amba.

Luka 1:32

Ɔkɔyɛ sona titire, na bɛkɔfrɛ ye Anwuro Anwuroniɛ n’Awa; na Awurade Nyameɛ kɔfa ye nana Dawide ahennie bia ne kɔma ye,

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Yohane 1:23

Na obuale kyɛ, “Me ole komviɛ bie bɔ ɔtea nu wɔ ɛserɛ so kyɛ, ‘Ɛ́mɔtengyɛ Awurade atee,’ kyɛbɔ ngɔmhyɛlɛniɛ Yesaya hane ne.”

Yohane 1:27

Ye ole bɔ oli me si ɔ́ba, bɔ memvata kyɛ mesangye ye mbaboa nyamaa po ɔ.”

Yohane 3:28

Ɛmɔ bɔbɔ bedi me adanzeɛ kyɛ ngane kyɛ, ‘Nna me ole Kristo ne, na mmom basoma me maa mali ye nyunu moa.’

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”