Luka 1:70 - AHYERƐLƐ KRONGRON

⁷⁰ kyɛbɔ ɔnate ye ngɔmhyɛlɛfoɛ krongron so fi tetetete dwudwole,

Luka 1:70 Iomraidhean Croise

Gyenesise 12:3

Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

2 Samuel 23:2

AWURADE Sunzum fa me so dwudwo, ye noa dwirɛ wɔ me temverema so.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 30:10

“Yiti wɔ, me somvoɛ Yakob, nnɛsuro, AWURADE noa dwirɛ ɛne. Ao Yisrael, nnɛma wɔ kunu tete wɔ; ofikyɛ tie, ngɔpepɛ ngole wɔ ngofi dedeede, na wɔ boso ama mɔ, ngɔpepɛ ngole bɛ ngofi aseɛ bɔ bahye bɛ nnure bahɔ so ne aso. Yakob kosa kɔwa kɔɔtena asomdwee nu konn, na ebiala ngonwunanwuna ye.

Marko 12:36

Ofikyɛ Dawide bɔbɔ nate Sunzum Krongron so hane kyɛ, ‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

Romanfoɛ 1:2

bɔ ɔnate ye ngɔmhyɛlɛfoɛ so hyɛle ye nwo bɔ tole berɛ wɔ Ahyerɛlɛ Krongron ne anu,

Hebrifoɛ 3:7

Yiti kyɛbɔ Sunzum Krongron kã hɔ ɛhe: “Ɛnɛ, sɛ ɛmɔte Nyameɛ dwudwolɛ a,

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.

2 Petro 3:2

kyɛ, ɔsɛ kyɛ ɛmɔkaye edwirɛ mɔ bɔ ngɔmhyɛlɛfoɛ krongron nemɔ bɛhane ye daa ne, ɔne y’Awurade ne yɛ Ngoadefoɛ ahyɛdeɛ bɔ ɔfale yɛ bɔ yɛte ye asomafoɛ so wahã ne.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”