Luka 1:65 - AHYERƐLƐ KRONGRON

⁶⁵ Na ɛserɛ hane mandamu berɛ ama amukoraa. Na sɔ dwirɛ nemɔ trɛ hɔle Yudea mmokaa maen ne anu amukoraa.

Luka 1:65 Iomraidhean Croise

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Luka 1:39

Na sɔ mmerɛ ne anu, Maria yɛle ndɛndɛ sili nu hɔle mmokaa so Yuda kuro bie anu,

Luka 2:18

Na edwirɛ bɔ mmoaenneafoɛ nemɔ hane ne, ɔyɛle ebiala bɔ ɔtele ne nwanwa.

Luka 5:26

Na ɔyɛle bɛ mukoraa nwanwa, na bɛyele Nyameɛ ayɛ; ɛserɛ hane bɛ, na bɛhane kyɛ, “Ɛnɛ de, yanwu edwirɛ bɔ ɔyɛ nwanwa ɔ!”

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 2:43

Asomafoɛ ne yɔle nzɛngyerɛnneɛ ne anwanwadeɛ pee, na bɛ nwo yɛle sona biala suro.

Asomafoɛ 5:11

Na esuronyi pirikua hane asɔre mma ne amu ɔne bɛ bɔ bɛtele edwirɛ ne amukoraa.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Yosua 10:40

Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 10:6

Yeɛ Gibeonfoɛ somane maa bɛhɔle Gilgal asikyeleɛ ne anu beesele Yosua kyɛ, “Nnɛyakyi wɔ ngoaa mɔ nu; ma wɔ nwo yɛ nyera ná baale yɛ ngoa, baaboka yɛ; ofikyɛ Amorifoɛ bɔ bɛtete mmokaa aseɛ ne aso dɔ ne, bɛ hene mɔ amukoraa bayɛ ko bɛ ne yɛ baaho.”

Nyekyire 11:11

Nakoso ngyẽa ɛlɛsa ne bue asi ne, ngoa sunzum fili Nyameɛ nu oowurale bɛ nu, na bedwɔso begyinane bɛ gya so, na ɛserɛ piri paa hane bɛ bɔ benwuni bɛ ne.