Luka 1:6 - AHYERƐLƐ KRONGRON

⁶ Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Luka 1:6 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 6:9

Nowa boso ama ɛhe: Né Nowa te sona bɔ ɔtengyɛ, bɔ ngekalewa biala nne ye bra nu wɔ ye aberɛ so mmenia nu ɔ. Nowa fale ye nwo bɔle Nyameɛ.

Gyenesise 7:1

Na AWURADE sele Nowa kyɛ, “Kɔfo ɛlɛen alaka ne anu, ɛne w’awuro ama mukoraa, ofikyɛ, manwu kyɛ wɔ de ɛtengyɛ wɔ me nyunu wɔ sɔ aworɛ ndoatoasoɛ he anu.

1 Ahemvo 15:5

ofikyɛ Dawide yɔle bɔ ɔtengyɛ wɔ AWURADE nyunu ɔ, na mmerɛ bɔ Dawide te ase ne amukoraa, sɛ ɛfa Hitiniɛ Yuria dwirɛ ne to ahameɛ a, mmeraa biala bɔ AWURADE hyɛle ne, olili so.

1 Ahemvo 9:4

Na wɔ de, sɛ ɛfa ahone bɔ nu te ɔ, ɔne bra bɔ ɔtengyɛ ɔ edi me dwirɛ so kyɛbɔ wɔ baba Dawide lili so ne, ná ɛyɔ kyɛbɔ mahyɛ wɔ ne amukoraa, ná edi m’ahyɛdeɛ ne me nhyehyɛleɛ so a,

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

2 Aberɛso Dwirɛ 17:4

na mmom ye baba Nyameɛ ne, ɔpenane ye si atee lili ye mmeraa dwirɛ so, na Yisraelfoɛ bɔne bɔ bɛyɔ ne, wanyɔ bie.

YOB NWOMAA NE 1:1

Né biaa bie te Yuse aseɛ so. Ye dumaa li Yob. Sɔ biaa ne, né ye bra te sannwuu, na ɔtengyɛ. Ɔte sona bɔ né osuro Nyameɛ ɔ, na ɔhwene ye nwo fili bɔne nwo.

YOB NWOMAA NE 1:8

Yeɛ AWURADE bisale Satan kyɛ, “Aso asusu m’akoaa Yob nwo? Kyɛ sona biala nne berɛ bɔ ɔte kyɛ ye ɔ wɔ aseɛ so; kyɛ ɔte sona bɔ ye bra te sannwuu, ná ɔtengyɛ ɔ; kyɛ osuro Nyameɛ, na ɔtwe ye nwo fi bɔne nwo ɔ?”

YOB NWOMAA NE 9:2

“Nahorɛ nu, mese kyɛ ɔte sɔ, nakoso ɔkɔyɛ sɛɛ né dasaniɛ watengyɛ wɔ Nyameɛ nyunu?

Edwein 119:6

Ɔba ye sɔ a, me nyunu ngogua ase, ofikyɛ me nye wɔ wɔ mmeraa dwirɛ ne amukoraa so.

Luka 1:7

Nakoso né belle ba, ɔnate kyɛ né Elisabɛte te mmotaen, yeɛ né bɛ munyɔ koso banyi paa.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Asomafoɛ 2:25

Ɔnate kyɛ Dawide hane ye nwo dwirɛ kyɛ, ‘Nwuni Awurade wɔ me nyunu mmerɛ biala, ofikyɛ ɔwɔ me sa famaa so, na mengosuro.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Asomafoɛ 8:21

Yɛ dwumadie ne ɛbboka so, yeɛ elle kyɛfa biala koso wɔ nu, ɔnate kyɛ wɔ nzusuleɛ ndengyɛ wɔ Nyameɛ nyunu.

Romanfoɛ 8:4

amaa ɔnate so mmeraa ne nwo tenenee wawa nu wɔ yɛ nu, yɛ bɔ yɛnnate anwoɔnaen nu, na mmom yɛnate Sunzum nu ne.

1 Korintofoɛ 11:2

Aliɛmaa mɔ, mekamvo ɛmɔ, ofikyɛ ɛmɔkaye me wɔ nikyee biala nu, na ɛmɔdi ngyerɛkyerɛ bɔ mva mane ɛmɔ ne aso.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Deuteronomi 5:33

Atee amukoraati bɔ AWURADE ɛmɔ Nyameɛ wahyɛ kyɛ ɛ́mɔfa so bɛ́bɔ bɛ bra ne, odi kyɛ ɛmɔfa so, amaa ɔnate so ɛmɔanya ngoa, ná wayie ɛmɔ yé, ná ɛmɔatena aseɛ bɔ ɛmɔ sa baahã ye ne aso bahyɛ.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

Kolosefoɛ 1:22

Nakoso kekesaala ye de, ɔnate Kristo wue ne aso wahwe ɛmɔ wabata ye nwonaen nipadua, amaa ɔnate so wafa ɛmɔ wawa ye nyunu kyɛ mmenia bɔ bɛte krongron, bɔ ngekalewa nne bɛ nwo ná benni fɔ ɔ.

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

2 Petro 3:14

Yiti aliɛmaa mɔ, ɔnate kyɛ ɛmɔnwondɛ sɔ nningyein hemɔ ne ati, ɛ́mɔbɔ mmɔden kyɛ okonwu ɛmɔ wɔ asomdwee nu, bɔ ngekalewa anaa nnɛen biala nne ɛmɔ nwo ɔ.

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 2:3

Sɛ yɛdi ye ahyɛdeɛ so a, yeɛ okyire kyɛ yɛse ye ɔ.

1 Yohane 3:7

Me ngwadaa mɔ, nnɛmɔma ebiala lakalaka ɛmɔ. Ebiala bɔ ɔyɔ bɔ ɔtengyɛ ne, ɔte tenenee kyɛbɔ Kristo te tenenee ne.