Luka 1:52 - AHYERƐLƐ KRONGRON

⁵² Watu tumifoɛ mɔ wafi b’ahennie bia so, na wapagya awiɛmvoɛ mɔ so.

Luka 1:52 Iomraidhean Croise

Nworɛ Dwirɛhanɛniɛ 4:14

Ebie fi kuku nu badi hene, ɔwɔ nu kyɛ bɛwole ye bɛtole ehiaa nu wɔ ye maen nu.

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Marko 6:3

Aso nna Maria awa bɔ ɔte bakaa dwumvoɛ ne ɛhe? Aso nna Yakobo ne Yose ne Yudase ne Simɔn b’eliɛma ne ɛhe? Nna oliɛma mmrasua mɔ yeɛ yɛne bɛ wɔ wa ye?” Yiti bɛpole ye.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Luka 18:14

Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Yakobo 4:10

Ɛ́mɔbrɛ ɛmɔ nwo ase wɔ Awurade nyunu, na ɔkɔma ɛmɔ so.

1 Samuel 2:4

Wama anwoserɛfoɛ agyaen mɔ nu abubu, nakoso bɛ bɔ bɛyɛ mmerɛ ne de, ɔmaa benya anwoserɛ.