Luka 1:51 - AHYERƐLƐ KRONGRON

⁵¹ Wafa ye basa wayɔ nningyein mbiri mbiri, na wapanzam ahandaenfoɛ b’adwene nzusuleɛ nu.

Luka 1:51 Iomraidhean Croise

Gyenesise 11:8

Yiti ofi sɔ mmerɛ ne, AWURADE maa bɛbɔle aya wɔ aseɛ ye aso amukoraa, na bɛyakyili kuro ne kyekyelɛ.

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Edwein 118:15

Esebɔlɛ ne ngonim dwein bɛgyegye wɔ teneneefoɛ ɛtena sua mɔ nu kyɛ, “AWURADE sa famaa ne di ngonim;

Edwein 33:10

AWURADE ma maen maen mɔ b’agyinatulɛ ɔyɛ mbaen, na maen maen mɔ bɛ nhyehyɛleɛ yɛ basaa.

Edwein 52:9

Ɔnate bɔ ayɔ ne ati, ngɔla wɔ ase daa. Ngɔfa me wora ngowura wɔ dumaa nu wɔ w’anwoteefoɛ mɔ nyunu, ofikyɛ ɔte paa.

Edwein 63:5

Me kra ko koyi kyɛ ama ye aleɛ bɔ ɔyɛ fɛ ne bɔ naen bɔ walɔ ɔ, na ngɔfa me noa ngɔto ahurusi dwein ngɔye wɔ ayɛ.

Edwein 89:10

Ɛpɛkyɛle Rahabo kyɛ naenmvuin, na ele wɔ tumi ne mane wɔ pɔfoɛ mɔ bɛbɔle aya.

Edwein 89:13

Ele tumi asaa; wɔ sa ne, anwoserɛ wɔ nu, apagya wɔ sa famaa ne aso.

Edwein 98:1

Ao, ɛ́mɔto dwein foforɛ bɛ́ye AWURADE ayɛ, ofikyɛ wayɛ anwanwadeɛ mɔ, Ye anwoserɛ asaa ne ye sa krongron ne yeɛ wafa wali ngonim ɔ.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Yesaya 40:10

Nea, AWURADE Nyameɛ le tumi ɔ́ba, ye tumi asaa ne yeɛ ɔfa di hene ɔ, tie, otira ye akatuaa, yoo, ye akatuaa li ye nyunu.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Yesaya 63:12

Ye bɔ ɔmane ye animnyam asaa ne oolili Mose famaa so, ná ɔne ye bɛnatele ne, ye bɔ ɔpakyele nzue ne anu wɔ bɛ nyunu ɔfa nyane dumaa afebɔɔ mane ye nwo ne;

Yeremia 49:15

Ofikyɛ tie, ngɔmaa ɛkɔyɛ kãa wɔ maen maen mɔ nu bɔ bebu wɔ animtia wɔ mmenia nu ɔ.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

2 Korintofoɛ 10:5

Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”