Luka 1:43 - AHYERƐLƐ KRONGRON

⁴³ Yieee, ɔwale ye sɛ bɔ m’Awurade ani ɔba bapasa me nwo ɔ?

Luka 1:43 Iomraidhean Croise

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Mateo 12:46

Yesu gu so bɔ odwudwo kyire ɛlɔen ne nen, yieee, ye maame ne oliɛma mɔ beegyinane bondua, na né bɛpena kyɛ bɛ ne ye dwudwo. [

Mateo 3:14

Yohane yɛle kyɛ ahaa osi ye ate, Ɔnwa, “Wɔ yeɛ ɛfata kyɛ ɛbɔ me asu ɔ, na afei wɔ yeɛ ɛ́ba me berɛ ɔ?”

Luka 1:42

na ɔteane nu serɛserɛ kyɛ, “Wɔ yeɛ anya saleɛ wɔ mmrasua mukoraa nu ɔ, na bayira baa bɔ ɔla wɔ kunu ne!

Luka 1:44

Ɔnate kyɛ, mmerɛ bɔ ndele w’ahyebisalɛ ne pɛ, yeɛ akwadaa ne le anika ohuruli wɔ me kunu ɔ.

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 7:7

na ye sɔ ati yeɛ ɔmaa mammu me nwo kyɛ mefata kyɛ ngɔwa wɔ berɛ ɔ. Nakoso wɔ de, kã edwirɛ ne, na m’akoaa ne nwo kɔsa.

Yohane 13:13

Ɛmɔfrɛ me Kyerɛkyerɛniɛ ne Awurade, na bɔ ɛmɔkã ne ɔte nahorɛ, ofikyɛ nde sɔ.

Yohane 20:28

Na Tɔmase buale ye kyɛ, “M’Awurade ne me Nyameɛ!”

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Rutu 2:10

Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”

1 Samuel 25:41

Na berɛ ne ala, ɔbɔle ye ti ase kotole, na ɔhane kyɛ, “Me mene, wɔ somvoɛ te afaneɛ bɔ wasiesie ye nwo kyɛ okonwunzi wɔ somvoɛ mɔ bɛ gya bo ɔ.”