Luka 1:41 - AHYERƐLƐ KRONGRON

⁴¹ Na Elisabɛte tele Maria ahyebisalɛ nen, akwadaa ne huruli wɔ ye kunu; na Sunzum Krongron yili Elisabɛte tɛkyɛ,

Luka 1:41 Iomraidhean Croise

Gyenesise 25:22

Ngwadaa nemɔ lili apereapereɛ wɔ ye kunu, na ɔhane kyɛ, “Sɛ ɔte sɔ de a, nzaade nzikyɛ dwirɛ yeɛ wato me ye?” Yiti ɔhɔle AWURADE sona berɛ oobisale so.

Edwein 22:10

Wɔ yeɛ belele m’aworɛ bɛtole wɔ gya so ɔ, na ofi me ni akunu, wɔ yeɛ ɛte me Nyameɛ ɔ.

Luka 1:15

ofikyɛ ɔkɔyɛ sona titire wɔ Awurade nyunu, na ɔngɔno bobe nzaa anaa nzaa biala, na Sunzum Krongron koyi ye tɛkyɛ kofi oni akunu.

Luka 1:40

na ɔhɔle Sakaria awuro, na obisale Elisabɛte ahye.

Luka 1:42

na ɔteane nu serɛserɛ kyɛ, “Wɔ yeɛ anya saleɛ wɔ mmrasua mukoraa nu ɔ, na bayira baa bɔ ɔla wɔ kunu ne!

Luka 1:44

Ɔnate kyɛ, mmerɛ bɔ ndele w’ahyebisalɛ ne pɛ, yeɛ akwadaa ne le anika ohuruli wɔ me kunu ɔ.

Luka 1:67

Na Sunzum Krongron yili ye baba Sakaria tɛkyɛ, na ɔhyɛle ngɔm kyɛ,

Luka 4:1

Na Yesu, bɔ Sunzum Krongron ayi ye nu tɛkyɛ ne, ofili Yɔɔdan nwo dɔ wale, na Sunzum ne fale ye hɔle ɛserɛ so,

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 4:8

Na Petro bɔ Sunzum Krongron ayi ye tɛkyɛ ne, obuale bɛ kyɛ, “Maen atitirefoɛ ne mbanyi mɔ,

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Asomafoɛ 7:55

Nakoso né Sunzum Krongron ahyɛ Setefano ma, ɔtole ye nye neane nyameɛso, na onwuni Nyameɛ animnyam ne, ɔne Yesu kyɛ ogyi Nyameɛ sa famaa so.

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,