Luka 1:35 - AHYERƐLƐ KRONGRON

³⁵ Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 1:35 Iomraidhean Croise

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

YOB NWOMAA NE 15:16

Né nzaade busueniɛ bɔ ye suban aporɔ, bɔ wafa amumuyɛɛ wayɛ ye nzue ne, ogyi ye sɛ!

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 51:5

Amba, amumuyɛɛ nu yeɛ bɛwole me ɔ, na bɔne nu yeɛ me maame nwonzɛle me ɔ.

Mateo 1:18

Kyɛbɔ besi bɛwole Yesu Kristo nwo dwirɛ ɛhe: Bɛfale oni Maria bɛbɔle Yosef asiwa. Wangɔ agyaa bo, na benwuni kyɛ ɔnate Sunzum Krongron so ɔnwonzɛ.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 14:33

Na bɛ bɔ bɛwɔ ɛlɛen ne anu ne, bɛɛsɔnene ye, na bɛhane kyɛ, “Amba, wɔ ole Nyameɛ Awa ne.”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Marko 1:1

[Nyameɛ Awa] Yesu Kristo nzɛmba ne, ye ahyɛaseɛ;

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 1:27

maa ɔhɔle ababunu bie berɛ. Né bafa ye babɔ biaa bie bɔ bɛfrɛ ye Yosef, bɔ ofi Dawide abusua nu ɔ asiwa; na ababunu ne dumaa li Maria.

Luka 1:34

Na Maria bisale abɔfo ne kyɛ, “Nnwuni biaa le, na ɔkɔyɛ sɛɛ né ɛhe awa nu?”

Luka 1:36

Na tie, wɔ busuaniɛ Elisabɛte bɔ bɛnwa ɔte mmotaen ne, ɔnwonzɛ baa bienzua ɛsraen nzia ɛhe; ye bɔ wayɛ aworowaa posoposo ne;

Yohane 1:34

Me bɔbɔ manwu ye, na medi adanzeɛ kyɛ ye ole Nyameɛ Awa ne.”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Romanfoɛ 1:4

bɔ bafa tumi baye ye bahyire kyɛ Nyameɛ Awa, kyɛbɔ anwotelɛ Sunzum te ne, awufoɛ tingyelɛ nu, Yesu Kristo, yɛ Awurade,

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.