Luka 1:15 - AHYERƐLƐ KRONGRON

¹⁵ ofikyɛ ɔkɔyɛ sona titire wɔ Awurade nyunu, na ɔngɔno bobe nzaa anaa nzaa biala, na Sunzum Krongron koyi ye tɛkyɛ kofi oni akunu.

Luka 1:15 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 48:19

Nakoso ye baba ambene, na osele kyɛ, “Mese, mma mese, ɛhe koso kɔyɛ maen, ye koso ɔkɔyɛ sona titire, nakoso oliɛma kãa ne koli mu kɔtra ye, na ye bosofoɛ kɔyɛ maen maen pee.”

1 Aberɛso Dwirɛ 17:8

Magyina wɔ si wɔ nekaa biala bɔ ahɔ ɔ, mali wɔ pɔfoɛ amukoraa so ngonim mama wɔ, na ngɔpagya wɔ dumaa maa ɔkɔyɛ kyɛ aseɛ ye aso atitirefoɛ bɛ dumaa.

1 Aberɛso Dwirɛ 29:12

Anwonya ne animnyam fi wɔ berɛ, na edi hene wɔ ebiala so. Wɔ yeɛ etira tumi ne anwoserɛ ɔ, na wɔ sa nu yeɛ sona biala ye tumi ne ye anwoserɛ wɔ ɔ.

Edwein 22:9

Nakoso wɔ yeɛ ɛyele me fili me ni akunu ɔ; ndua me maame nyɔfone noa ne, wɔ yeɛ ɛbɔle me nwo waen ɔ.

Yeremia 1:5

“Anzana mebaanwo wɔ wɔ bɛ kunu ne, né mese wɔ, anzana ɛbaafi bɛ kunu ba ne, né mate wɔ nwo; na nduli wɔ nziele berɛ nyɛle wɔ ngɔmhyɛlɛniɛ mane Amaenmaensofoɛ.”

Yeremia 35:6

Nakoso bebuale kyɛ, “Yɛngɔno nzaa biala, ofikyɛ yɛ nana Yonadabo bɔ ye baba ole Rekabo ne, ɔfale ahyɛdeɛ mane yɛ kyɛ, ‘Nnɛma ɛmɔno nzaa kyẽa biala le, ɛmɔ ne ɛmɔ boso ama mɔ;

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Sakaria 9:15

Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

Luka 1:14

Ɔkɔmaa ekonya anigye ne anwosɛpɛ, na ye aworɛ ne ati mmenia pee koli ahurusi;

Luka 7:28

Na mekã mekyire ɛmɔ kyɛ, bɛ bɔ mmrasua awo bɛ amukoraa, bɛ nu biala nne berɛ bɔ odi mu tra Yohane ɔ; nakoso bɔ ɔte kãa koraa wɔ Nyameɛ ahennie ne anu ne, odi mu tra ye.”

Luka 7:33

Asubɔlɛniɛ Yohane awa, bɔ onnidi ná ɔnno nzaa ɔ, na ɛmɔnwa: ‘Ole sunzummɔne.’

Yohane 5:35

Ɔte kanea bɔ ógye ná ɔta ɔ, na ɛmɔhurole kyɛ ɛmɔ nye kɔhã ye kanea ne anu kãa.

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Galatiafoɛ 1:15

Nakoso Nyameɛ bɔ ɔneaneane nu yele me koraka yeɛ bɛbaawo me, na ɔlole me frɛle me ne, mmerɛ bɔ ɔsɔle ye nye

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Yosua 3:7

AWURADE sele Yosua kyɛ, “Ɛnɛ kyẽa ye, ngɔhyɛ ye bo ngɔyɛ wɔ sona bɔ odi mu wɔ Yisraelfoɛ mukoraati bɛ nyunu, amaa ɔnate so banwu ye kyɛ, kyɛbɔ ngyinane Mose si nen, sɔ ala yeɛ ngogyina wɔ si ɔ.

Yosua 4:14

Sɔ kyẽa ne, AWURADE yɛle Yosua sona bɔ odi mu wɔ Yisraelfoɛ amukoraa bɛ nyunu, na bebuli ye wɔ mmerɛ amukoraa bɔ né ɔte ngoa nu ɔ, kyɛbɔ bebuli Mose nen.