Lewitikɔso 9:9 - AHYERƐLƐ KRONGRON

⁹ Aarɔn mma mmienzua nemɔ fale mogya ne bɛbrɛle ye. Ɔfale ye sa mmɛseka bɔle mogya ne anu fa yɛle afɔleɛ bokyea ne mmɛen nemɔ anwo, na mogya bɔ waha ne, ohwiele guale afɔleɛ bokyea ne abo.

Lewitikɔso 9:9 Iomraidhean Croise

Hesekiel 43:15

Afɔleɛ bokyea ne, ofi ye aseɛnwo bɔ ɔkwaadwu ye anwuro ne, ɔte agyirɛ nna, na mmɛen nna tuatua afɔleɛ bokyea ne anwo kɔ anwuro.

Hesekiel 43:20

Fa ye mogya ne bie kekã afɔleɛ bokyea mmɛen nna nemɔ, ye afia nna nemɔ bɛ ndweasoɛ so, yeɛ ye bo kaa bɔ wapɛ ye nwo wabra wayia ne anwo. Yɔ sɔ fa te afɔleɛ bokyea ne anwo, ná pata ma ye.

Lewitikɔso 16:18

Na odi kyɛ ofite ɔkɔ afɔleɛ bokyea bɔ ɔwɔ AWURADE nyunu ne anwo, ná ɔpata ma afɔleɛ bokyea ne; odi kyɛ ɔfa nandwie nyii mogya ne bie, ɔne abɔngye mogya ne bie kekã afɔleɛ bokyea mmɛen ne anu biala nwo bra yia.

Lewitikɔso 4:25

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:30

Na odi kyɛ ɔsɔfo ne ɔfa ye sa mmɛseka ɔbɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie gua afɔleɛ bokyea ne abo.

Lewitikɔso 8:15

Mose huni kaka ne, ɔfale ye mogya ne bie, na ɔfale ye sa mmɛseka bɔle mogya ne anu yeyɛle afɔleɛ bokyea mmɛen nemɔ anwo bra yiale. Ɔpetene afɔleɛ bokyea ne anwo, na ohwiele mogya ne guale afɔleɛ bokyea ne abo, ɔtele bokyea ne anwo, na ɔnate ɛhe aso fa yɛle bɔne nwo mbata mane afɔleɛ bokyea ne.

Lewitikɔso 9:10

Nakoso bɔne nwo afɔleɛ loe ne, ye saa nemɔ, ɔne ye boɛ ne bie de, ɔyerale bɛ wɔ afɔleɛ bokyea ne aso, kyɛbɔ AWURADE hyɛle Mose ne.

Lewitikɔso 9:12

Afei Aarɔn huni naen yeralɛ afɔleɛ kaka ne, na ye mma mmienzua nemɔ fale kaka ne mogya ne bɛbrɛle ye, na ohwie guale afɔleɛ bokyea ne anwo bra yiale.

Lewitikɔso 9:18

Aarɔn huni nandwie nyii ne ɔne boaen nyii ne fa bɔle asomdwee afɔleɛ mane maen ne; na ye mma nemɔ fale mogya ne bɛbrɛle ye, maa ohwie guale afɔleɛ bokyea ne anwo bra yiale.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.