Lewitikɔso 9:5 - AHYERƐLƐ KRONGRON

⁵ Bɛfale bɔ Mose hyɛle bɛ ne bɛwale ɛtena sua atenaleɛ ne anyunu berɛ, na Yisraelfoɛ amukoraa bɔ pingyele beegyinane AWURADE nyunu.

Lewitikɔso 9:5 Iomraidhean Croise

1 Aberɛso Dwirɛ 15:3

Dawide mane Yisrael maen ne amukoraa bɛbɔle dwaa wɔ Yerusalem kyɛ bɛɛfa AWURADE alaka ne bɛbra nekaa bɔ basiesie bama ye ne.

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Ɛksadɔso 19:17

Afei Mose fale mmenia ne fili asikyeleɛ berɛ fitele kyɛ bɛkwaayia Nyameɛ; na beegyinagyinane bokaa ne nye abo berɛ.

Lewitikɔso 9:4

Ɛ́mɔfa nandwie nyii ne boaen nyii, ɔne aburoo afɔleɛ bɔ bafa ngoo bafra ye ɔ bɛbɔ asomdwee afɔleɛ wɔ AWURADE nyunu; ofikyɛ ɛnɛ Nyameɛ kɔye ye nwo ali kohyire ɛmɔ.’ ”

Lewitikɔso 9:6

Na Mose sele kyɛ, “Nikyee bɔ AWURADE hyɛle ɛmɔ kyɛ ɛmɔyɔ ɛhe, amaa ɔnate so AWURADE aye ye animnyam ali wahyire ɛmɔ.”

Deuteronomi 31:12

Ma mmenia ne bɛ́bɔ dwaa: mmienzua, mmrasua, ngwadaa ne ɛwɔfoɛ mɔ bɔ bɛtete wɔ nguro nemɔ aso ɔ; amaa ɔnate so batie, ná basua kyɛbɔ besuro AWURADE ɛmɔ Nyameɛ ɔ, ná bali mmeraa he anu dwirɛ mukoraa so nahorɛ nu.