Lewitikɔso 9:3 - AHYERƐLƐ KRONGRON

³ Na ka kyire Yisraelfoɛ kyɛ, ‘Ɛ́mɔfa abɔngye nyii bɛ́bɔ bɔne nwo afɔleɛ, ná ɛ́mɔfa nandwie akrɔngrɔma ne boaen akrɔngrɔma bɔ bali afoɛ ngoko ngoko, bɔ bellili nnɛen biala ɔ bɛ́bɔ naen yeralɛ afɔleɛ.

Lewitikɔso 9:3 Iomraidhean Croise

Gyenesise 37:31

Na bɛfale Yosef ataadeɛ ne, behuni abɔngye, na bɛfale ataadeɛ ne bɛfɔlefɔlele ye mogya ne.

Ɛsra 10:19

Bɛhyɛle ɛbɔ kyɛ bɛkɔfoa bɛ ye nemɔ maa bekofi bɛ nu bɛkɔhɔ. Belele bɛ mvomsoɛ bɛtole nu, na bɛfale boaen nyii ko bɛbɔle mvomsoɛ afɔleɛ.

Ɛsra 6:17

Mmerɛ bɔ bétu Nyameɛ awuro ne bewura Nyameɛ sa ne, bɛfale ɛhemɔ bɛbɔle afɔleɛ: nandwie nyii ɛyaa ko, mmoaen nyii ɛyaa nyɔ, mmoaen akrɔngrɔma ɛyaa nna; yeɛ bɛfale mbɔngye nyii buru ne nyɔ bɛbɔle Yisrael bɔne nwo afɔleɛ, kyɛbɔ Yisrael mmusua kure nemɔ bɛ somaa te ɔ.

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Lewitikɔso 10:16

Na bɔne nwo afɔleɛ abɔngye ne de, Mose penane ye fɛle, nakoso né bayera ye dada. Yiti ɔfɛle Eleasa ne Yitama, bɔ bɛ ole Aarɔn mma mmienzua bɔ baha ne bɛ so yaa, na obisale kyɛ,

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 16:5

Odi kyɛ ode mbɔngye nyii nyɔ fi Yisrael maen berɛ bɔ ɔfa bɔ bɔne nwo afɔleɛ ɔ, ɔne boaen nyii ko bɔ ɔfa bɔ naen yeralɛ afɔleɛ ɔ.

Lewitikɔso 23:12

Kyẽa bɔ ɛmɔkɔnwaha aleɛ taperɛ ne, odi kyɛ ɛmɔfa boaen bɔ wali afoɛ ko, bɔ ollili nnɛen biala ɔ, bɛbɔ naen yeralɛ afɔleɛ bɛma AWURADE.

Lewitikɔso 4:23

ná sɛ bɛfa bɔne bɔ yeɛ wayɔ ne bɛto ye nyunu a, ɔsɛ kyɛ ɔfa abɔngye nyii bɔ ollili nnɛen biala ɔ ɔbabɔ afɔleɛ.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 9:2

na osele Aarɔn kyɛ, “Fa nandwie nyii akrɔngrɔma bɔ bɔne nwo afɔleɛ ma AWURADE, ná fa boaen nyii bɔ naen yeralɛ afɔleɛ ma AWURADE. Onni kyɛ ngaka ne anu biala yɛ bɔ wali nnɛen ɔ.

Lewitikɔso 9:4

Ɛ́mɔfa nandwie nyii ne boaen nyii, ɔne aburoo afɔleɛ bɔ bafa ngoo bafra ye ɔ bɛbɔ asomdwee afɔleɛ wɔ AWURADE nyunu; ofikyɛ ɛnɛ Nyameɛ kɔye ye nwo ali kohyire ɛmɔ.’ ”

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,