Lewitikɔso 9:2 - AHYERƐLƐ KRONGRON

² na osele Aarɔn kyɛ, “Fa nandwie nyii akrɔngrɔma bɔ bɔne nwo afɔleɛ ma AWURADE, ná fa boaen nyii bɔ naen yeralɛ afɔleɛ ma AWURADE. Onni kyɛ ngaka ne anu biala yɛ bɔ wali nnɛen ɔ.

Lewitikɔso 9:2 Iomraidhean Croise

Ɛksadɔso 29:1

“Afei yɔ ɛhe fa te bɛ nwo ma bɛyɛ krongron, ná beli sɔfo bɛso me: Fa nandwie nyii akrɔngrɔma ko ɔne mmoaen nyii nyɔ bɔ bellili nnɛen ɔ,

Hesekiel 29:1

Afoɛ buru ne anu, bosome buru ne anu, ye eleburu ne nyɔ ne aso, AWURADE lale ye dwirɛ ali hyirele me kyɛ,

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 16:3

Sɛ Aarɔn ɔba nekaa krongron ne anu a, bɔ odi kyɛ ɔyɔ ɛhe: odi kyɛ ɔfa nandwie nyii akrɔngrɔma ko bɔ ɔfa bɔ bɔne nwo afɔleɛ ɔ ɔne boaen nyii bɔ ɔfa bɔ naen yeralɛ afɔleɛ.

Lewitikɔso 16:5

Odi kyɛ ode mbɔngye nyii nyɔ fi Yisrael maen berɛ bɔ ɔfa bɔ bɔne nwo afɔleɛ ɔ, ɔne boaen nyii ko bɔ ɔfa bɔ naen yeralɛ afɔleɛ ɔ.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 8:14

Mose fale bɔne nwo afɔleɛ nandwie nyii ne wale anyunu berɛ; na Aarɔn ne ye mma mmienzua nemɔ fale bɛ sa guale bɔne nwo afɔleɛ nandwie nyii ne ti afia.

Lewitikɔso 8:18

Ɔfale naen yeralɛ afɔleɛ boaen nyii ne wale anyunu berɛ, na Aarɔn ne ye mma mmienzua nemɔ fale bɛ sa guale boaen nyii ne ti afia.

Lewitikɔso 9:3

Na ka kyire Yisraelfoɛ kyɛ, ‘Ɛ́mɔfa abɔngye nyii bɛ́bɔ bɔne nwo afɔleɛ, ná ɛ́mɔfa nandwie akrɔngrɔma ne boaen akrɔngrɔma bɔ bali afoɛ ngoko ngoko, bɔ bellili nnɛen biala ɔ bɛ́bɔ naen yeralɛ afɔleɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 5:3

Na ɔnate sɔ ne ati, nna mmenia bɛ bɔnefakyɛ afɔleɛ ngome yeɛ ɔbɔ ɔ; na mmom odi kyɛ ɔbɔ ye bɔbɔ ye deɛ koso.

Hebrifoɛ 7:27

Ye de, ɔtte kyɛ asɔfo mbanyi paa hene mɔ, onhia kyɛ ɛlɛho biala odi moa bɔ ye bɔbɔ ye bɔne nwo afɔleɛ koraka na wabɔ maen deɛ, na mmom ɔfale ye nwo bɔle afɔleɛ pɛnko.