Lewitikɔso 8:7 - AHYERƐLƐ KRONGRON

⁷ Ɔfale ataadeɛ aguasoɛ ne wurale Aarɔn, ɔfale abɔsoɛ ne bɔle ye, ɔfale ataadeɛ tendenn ne wurale ye, ɔfale ɔsɔfo ataadeɛ ne wurale ye, na ɔfale ɔsɔfo ataadeɛ abɔsoɛ bɔ bali adwii bagua nu ne bɔle ye nu mane ataadeɛ ne anu miane.

Lewitikɔso 8:7 Iomraidhean Croise

Ɛksadɔso 28:2

Pomba ndaadeɛ krongron ma eliɛma Aarɔn ma onya animnyam ne dibea.

Ɛksadɔso 28:4

Ndaadeɛ bɔ ɔsɛ kyɛ bɛpomba nemɔ ɛhe: ahone so aguasoɛ, ɔsɔfo ataadeɛ, ataadeɛ tendenn, aguasoɛ bɔ banwo nningyein bagua nu ɔ, yeɛ abotire ne abɔsoɛ. Ɔsɛ kyɛ bɛpomba ndaadeɛ krongron hemɔ bɛma eliɛma Aarɔn ne ye mma mmienzua nemɔ, maa bedi sɔfo bɛso me.

Ɛksadɔso 28:6

“Ɔsɛ kyɛ adwiililɛfoɛ fa sikaa kɔkorɛ, bibire, koogyan, adaabene ne nwera yeɛ bɛyɔ ɔsɔfo ataadeɛ ne ɔ.

Ɛksadɔso 29:5

Fa ndaadeɛ nemɔ: aguasoɛ ne ɔsɔfo ataadeɛ aguasoɛ tendenn ne, ɔsɔfo ataadeɛ ne, ɔne ahone so aguasoɛ ne wura Aarɔn, ná fa ɔsɔfo ataadeɛ abɔsoɛ bɔ bali adwii bagua nu ne bɔ ye nu.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Hesekiel 42:14

Sɛ asɔfo nemɔ bɛbaawura nekaa krongron ne anu a, onni kyɛ befi berɛ bɛkɔ aluo berɛ pato ne anu dɔ, sana bepuro bɛ ndaadeɛ bɔ bɛfa bɛsɔne ne begua berɛ koraka, ofikyɛ ndaadeɛ nemɔ te krongron. Odi kyɛ bɛfa ndaadeɛ mbaen bie bewura, koraka né bapingye nekaa bɔ mmenia le atee kyɛ bɛkɔ ne.”

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

Galatiafoɛ 3:27

Na ɛmɔ amukoraa bɔ babɔ ɛmɔ asu wɔ Kristo nu ne, ɛmɔafa Kristo bahera.

1 Samuel 2:28

Nneaneane nu nyele ye mvili Yisrael mmusua kure amukoraa nu kyɛ ɔɔyɛ ɔsɔfo ma me, kyɛ ɔhɔ m’afɔleɛ bokyea nwo, ɔ́yera ɛyɛɛ, ná ówura ɔsɔfo ataadeɛ ógyina me nyunu. Na see so afɔleɛ mukoraa bɔ Yisraelfoɛ bɛbɔ bɛma me ne, mva nwurale wɔ nana abusua ne sa.