Lewitikɔso 8:35 - AHYERƐLƐ KRONGRON

³⁵ Ɛ́mɔtena ɛtena sua atenaleɛ anoa nu berɛ eyia ne kɔngɔen ɛlɛsoo, ná ɛ́mɔyɔ bɔ AWURADE ahyɛ ne, amaa ɛmɔanwu ofikyɛ sɔ yeɛ AWURADE hyɛle me ɔ.”

Lewitikɔso 8:35 Iomraidhean Croise

1 Ahemvo 2:3

ná di bɔ AWURADE wɔ Nyameɛ wahyɛ wɔ kyɛ ɛyɔ ne aso. Tie ye dwirɛ, ná di ye ahyɛdeɛ, ye mmeraa dwirɛ, ye nhyehyɛleɛ ne ye noa dwirɛ so, kyɛbɔ bahyerɛ ye wɔ Mose mmeraa ne anu ne, amaa wayie wɔ yé wɔ nikyee biala bɔ ɛkɔyɔ ɔ nu, ɔne nekaa biala bɔ ɛkɔhɔ ɔ.

Ɛksadɔso 29:35

“Sɔ yeɛ yɔ ma Aarɔn ne ye mma nemɔ ɔ, kyɛbɔ mahyɛ wɔ ne amukoraa; fa ɛlɛsoo yeɛ hyɛ bɛ sɔfo ɔ.

Hesekiel 43:25

Fa abɔngye ko bɔ bɔne nwo afɔleɛ ɛlɛho biala toonn ɛlɛsoo; yeɛ fa nandwie nyii ko ne mmoaen kure ne anu boaen nyii ko bɔ bellili nnɛen ɔ bɔ afɔleɛ.

Hesekiel 48:11

Sɔ aseɛ ne kɔyɛ asɔfo mɔ bɔ basie bɛ nwo krongron ne bɛ deɛ, bɔ bɛ ole Sadoke boso ama nemɔ, bɔ bali me dwirɛ nwo nahorɛ, bɔ banni ye nwo makyebu wɔ mmerɛ bɔ Yisraelfoɛ belili ye nwo makyebu, kyɛbɔ Lewifoɛ belili ye nwo makyebu ne.

Lewitikɔso 10:1

Aarɔn mma mmienzua Nadabo ne Abihu, bɛ nu biala fale ye see kulie. Bɛfale see beguale nu, na bɛfale ɛyɛɛ beguale so. Bɛfale see bɔ ye nwo nde ɔ bɛwale AWURADE nyunu, see bɔ nna AWURADE yeɛ wahyɛ bɛ kyɛ bɛfa bɛbra ye nyunu ɔ.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Lewitikɔso 8:30

Mose fale ɛpopalɛ ngoo ne bie, ɔne mogya bɔ ɔwɔ afɔleɛ bokyea ne aso ne bie, na ɔfa petene Aarɔn ne ye mma mmienzua nemɔ anwo ɔne bɛ ndaadeɛ nu. Yiti ɔtele Aarɔn ne ye ndaadeɛ nwo, yeɛ afei ɔtele ye mma mmienzua nemɔ ne bɛ ndaadeɛ nwo.

Lewitikɔso 8:34

Na kyɛbɔ yayɔ ye ɛnɛ ne, AWURADE yeɛ wahyɛ kyɛ bɛyɔ bɛfa bɛpata bɛma ɛmɔ ɔ.

Lewitikɔso 8:36

Na Aarɔn ne ye mma mmienzua nemɔ yɔle nningyein bɔ AWURADE nate Mose so hyɛle ne amukoraa.

Numeri 19:12

Ye ɛlɛsa ne aso, ɔne ɛlɛsoo ne aso, odi kyɛ ɔfa sɔ nzue ne bie pete ye nwo ma ye nwo te. Nakoso sɛ wambete ye nwo ɛlɛsa ne aso ɔne ɛlɛsoo ne aso a, ye nwo ngɔte.

Numeri 3:7

Odi kyɛ bɛso wɔ nyianu sua ne anu, ná bɛyɔ adwuma bɛma Aarɔn ne maen ne amukoraa wɔ ɛtena sua atenaleɛ ne anyunu berɛ.

Numeri 9:19

Sɛ ɔba ye kyɛ munungum ne mundu nyianu sua ne aso ngyẽa pee po a, Yisraelfoɛ di AWURADE dwirɛ ne aso, na bendu bɛ bo.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Deuteronomi 11:1

“Yiti ɔsɛ kyɛ ekuro AWURADE wɔ Nyameɛ dwirɛ, ná edi ye dwirɛ, ye ahyɛdeɛ, ye nhyehyɛleɛ ne ye mmeraa dwirɛ so mmerɛ biala.

1 Timoteo 1:18

Mma Timoteo, ahyɛdeɛ he yeɛ mefa mewura wɔ sa ɔ, kyɛbɔ ngɔm dwirɛ bɔ mmerɛ bie bɛhã bɛfale wɔ nwo ne ɔte ne, kyɛ ɔ́hyɛ wɔ nguraen, ná fa ko koɛ paa ne,

1 Timoteo 5:21

Ngyi Nyameɛ ne Awurade Kristo Yesu ne abɔfo bɔ baneanea nu baye bɛ ne anyunu mehyɛ wɔ kyɛ, di nhyehyɛleɛ hemɔ so, bɔ ɛnnea sona nyunu anaa ɛnyɛ nyeyemuɛ ɔ.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Timoteo 6:20

O Timoteo, nea bɔ bafa bawura wɔ sa ne aso yé. Twe wɔ nwo fi edwudwolɛ fiɛ ne aporowaasulɛ mbaen mbaen bɔ bɛyɛ mvomsoɛ bebu ye kyɛ ɔte nimdeɛ ne nwo.

2 Timoteo 4:1

Na Nyameɛ ne Kristo Yesu bɔ ɔbaabua ateasefoɛ ne awufoɛ ndɛen ne, ɔne ye nwo aliyelɛ ne ye ahennie ne, mefa mehyɛ wɔ kyɛ;

Hebrifoɛ 7:28

Mmeraa ne de, ɔyɛ mmenia bɔ mvomsoɛ wɔ bɛ nwo asɔfo mbanyi paa, nakoso Nyameɛ noa dwirɛ bɔ ndaen la so, bɔ mmeraa ne asi yeɛ ɔwale ne de, ɔyɛ Baa bɔ odi mu bɔkɔɔ ne ɔsɔfo panyi paa afebɔɔ.