Lewitikɔso 8:33 - AHYERƐLƐ KRONGRON

³³ Nnɛma ɛmɔfi ɛtena sua atenaleɛ anoa nu berɛ befite alaa ɛlɛsoo, kɔpem kyɛ ngyẽa bɔ bɛfa bɛhyɛ ɛmɔ sɔfo ne kɔpɛ nu ɔ, ofikyɛ bɛkɔfa ɛlɛsoo yeɛ bɛkɔhyɛ ɛmɔ sɔfo ɔ.

Lewitikɔso 8:33 Iomraidhean Croise

Ɛksadɔso 29:30

Ye mma mmienzua nemɔ, bɛ nu ko bɔ okosi ye gya nu koli sɔfo ne, ko bɔ ɔkɔ ɛtena sua atenaleɛ nu berɛ ɔkɔyɔ ɔsɔfo adwuma wɔ nekaa krongron ne anu ne, ɔsɛ kyɛ owura ye ɛlɛsoo.

Ɛksadɔso 29:35

“Sɔ yeɛ yɔ ma Aarɔn ne ye mma nemɔ ɔ, kyɛbɔ mahyɛ wɔ ne amukoraa; fa ɛlɛsoo yeɛ hyɛ bɛ sɔfo ɔ.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Lewitikɔso 15:13

“Sona bɔ ye bienzua fiti ne, sɛ ye nwo sa a, odi kyɛ otu ɛlɛsoo sie berɛ fa pete ye nwo. Afei odi kyɛ ɔpo ye nwo nningyein ná ɔ́fa mbombonzue gyengɔɔ obia, na ye nwo kɔte.

Lewitikɔso 8:34

Na kyɛbɔ yayɔ ye ɛnɛ ne, AWURADE yeɛ wahyɛ kyɛ bɛyɔ bɛfa bɛpata bɛma ɛmɔ ɔ.

Numeri 19:12

Ye ɛlɛsa ne aso, ɔne ɛlɛsoo ne aso, odi kyɛ ɔfa sɔ nzue ne bie pete ye nwo ma ye nwo te. Nakoso sɛ wambete ye nwo ɛlɛsa ne aso ɔne ɛlɛsoo ne aso a, ye nwo ngɔte.