Lewitikɔso 8:31 - AHYERƐLƐ KRONGRON

³¹ Na Mose sele Aarɔn ne ye mma mmienzua nemɔ kyɛ, “Ɛ́mɔto naen ne wɔ ɛtena sua atenaleɛ anoa nu berɛ. Naen ne ɔne paanoo bɔ ɔwɔ sɔfohyɛlɛ afɔleɛ kɛndɛen ne anu ne, berɛ yeɛ odi kyɛ ɛmɔdi ye ɔ, kyɛbɔ Nyameɛ hyɛle me kyɛ, ‘Aarɔn ne ye mma mmienzua mɔ yeɛ ɔsɛ kyɛ bedi ɔ.’

Lewitikɔso 8:31 Iomraidhean Croise

Lewitikɔso 10:17

“Nzu ati yeɛ ɛmɔanni bɔne nwo afɔleɛ ne wɔ nekaa bɔ ɔte krongron ɔ? Ofikyɛ ɔte nikye krongron paa, na Nyameɛ afa ama ɛmɔ, amaa ɛmɔaprapra mmenia nemɔ amumuyɛɛ bagua na ɛmɔapata bama bɛ wɔ AWURADE nyunu.

Lewitikɔso 6:28

Na kukue bɔ bɛkɔto ye wɔ nu ne, odi kyɛ bɛbɔ ye ɔ, nakoso sɛ bɛto ye wɔ dadesɛn nu de a, odi kyɛ betwi nu ná bɛfa nzue besale nu.

Lewitikɔso 7:15

Na wɔ asennaa asomdwee afɔleɛ naen ne de, odi kyɛ edi ye kyẽa bɔ ɛkɔbɔ afɔleɛ ne ala; onni kyɛ ɛma aleɛ kye ebie so.

Yohane 6:33

Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:35

Na Yesu sele bɛ kyɛ, “Me ole ngoa paanoo ne; ebiala bɔ ɔba me berɛ nen, ɛhɔen ngohũ ye le; yeɛ ebiala bɔ ode me di ne, nzuhɔen ngohũ ye le.

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.