Lewitikɔso 8:30 - AHYERƐLƐ KRONGRON

³⁰ Mose fale ɛpopalɛ ngoo ne bie, ɔne mogya bɔ ɔwɔ afɔleɛ bokyea ne aso ne bie, na ɔfa petene Aarɔn ne ye mma mmienzua nemɔ anwo ɔne bɛ ndaadeɛ nu. Yiti ɔtele Aarɔn ne ye ndaadeɛ nwo, yeɛ afei ɔtele ye mma mmienzua nemɔ ne bɛ ndaadeɛ nwo.

Lewitikɔso 8:30 Iomraidhean Croise

Ɛksadɔso 28:2

Pomba ndaadeɛ krongron ma eliɛma Aarɔn ma onya animnyam ne dibea.

Ɛksadɔso 29:21

Afei fa afɔleɛ bokyea ne aso mogya ne bie, ɔne ɛpopalɛ ngoo ne, ná fa pete Aarɔn nwo ne ye ndaadeɛ nu, ɔne ye mma nemɔ nwo ne bɛ ndaadeɛ nu. Na ɛhe kɔma Aarɔn ne ye ndaadeɛ kɔyɛ krongron, ná ye mma mɔ ne bɛ ndaadeɛ koso ayɛ krongron.

Ɛksadɔso 30:30

Fa ɛpopalɛ ngoo ne gua Aarɔn ne ye mma mmienzua nemɔ ti so, ná te bɛ nwo ma beli sɔfo bɛso me.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 7:35

See so afɔleɛ bɔ bɛbɔ bɛma AWURADE ne, ye bue bɔ ɔte Aarɔn ne ye mma bɛ deɛ hɔ ɛne; kyẽa bɔ AWURADE yele bɛ siele berɛ kyɛ ye sɔfo mɔ ne yeɛ ɔɔyɛle bɛ deɛ ɔ;

Lewitikɔso 7:36

Kyẽa bɔ AWURADE popale bɛ ngoo ne yeɛ ɔhyɛle Yisraelfoɛ kyɛ bɛfa bɛma bɛ ɔ; ɔte nhyehyɛleɛ afebɔɔ bɔ ɔwɔ berɛ ma b’aworɛ ndoatoasoɛ mukoraati ɔ.

Lewitikɔso 8:12

Ohwiele ɛpopalɛ ngoo ne bie guale Aarɔn ti afia na ɔpopale ye ngoo fa tele ye nwo.

Numeri 3:3

Aarɔn mma mmienzua mɔ bɔ bapopa bɛ ngoo bɔ Aarɔn hyɛle bɛ sɔfo ne, bɛ dumaa ɛne.

Hebrifoɛ 2:11

Na bɔ ɔte mmenia nwo fi bɛ bɔne nwo ne, ɔne mmenia bɔ ɔte bɛ nwo ne amukoraa bɛ Baba te ko; na ɔnate sɔ ne ati, ɔnyɛ ye nya kyɛ ɔkɔfrɛ bɛ oliɛma mɔ ɔ.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.