Lewitikɔso 8:23 - AHYERƐLƐ KRONGRON

²³ Mose huni ye, na ɔfale ye mogya ne bie hane Aarɔn so famaa, ye sa kokotire famaa ɔne ye gya kokotire famaa ne.

Lewitikɔso 8:23 Iomraidhean Croise

Ɛksadɔso 29:20

Ku boaen nyii ne, ná fa ye mogya ne bie kekã Aarɔn so famaa tɛndiaa ne, ye mma mmienzua nemɔ so famaa tɛndiaa ne, bɛ sa kokotire famaa ne, ɔne bɛ gya kokotire famaa ne. Na mogya bɔ ɔkɔha ne de, hwie gua afɔleɛ bokyea ne anwo bra yia.

Ɛksadɔso 29:21

Afei fa afɔleɛ bokyea ne aso mogya ne bie, ɔne ɛpopalɛ ngoo ne, ná fa pete Aarɔn nwo ne ye ndaadeɛ nu, ɔne ye mma nemɔ nwo ne bɛ ndaadeɛ nu. Na ɛhe kɔma Aarɔn ne ye ndaadeɛ kɔyɛ krongron, ná ye mma mɔ ne bɛ ndaadeɛ koso ayɛ krongron.

Lewitikɔso 14:14

Ɔsɛ kyɛ ɔsɔfo ne ɔfa foɛlilɛ afɔleɛ mogya ne bie, ná ɔfa kekã sona bɔ bɛbaate ye nwo ne ye so famaa tɛndiaa ne, ye sa kokotire famaa ɔne ye gya kokotire famaa.

Lewitikɔso 14:17

Ngoo bɔ ɔkɔha ɔsɔfo ne sa nu ne, odi kyɛ ɔfa bie kekã sona bɔ bɛbaate ye nwo ne ye so famaa tɛndiaa ne, ye sa kokotire famaa, ɔne ye gya kokotire famaa, wɔ foɛlilɛ afɔleɛ mogya ne aso.

Lewitikɔso 14:25

Ɔsɛ kyɛ ɔsɔfo ne oku foɛlilɛ afɔleɛ boaen ne, ná ɔfa foɛlilɛ afɔleɛ mogya ne bie fa kekã sona bɔ bɛwɔ so bɛte ye nwo ne ye so famaa tɛndiaa ne, ye sa kokotire famaa ne ɔne ye gya kokotire famaa.

Lewitikɔso 14:28

Odi kyɛ ɔsɔfo ne ɔfa ngoo bɔ ɔwɔ ye sa nu ne bie kekã sona bɔ bɛwɔ so bɛte ye nwo ne ye so famaa tɛndiaa ne, ye sa kokotire famaa, ɔne ye gya kokotire famaa wɔ nekaa bɔ ɔfale foɛlilɛ afɔleɛ mogya ɔkekane ne.

Lewitikɔso 7:37

Naen yeralɛ afɔleɛ, aburoo afɔleɛ, bɔne nwo afɔleɛ, foɛlilɛ afɔleɛ, sɔfohyɛlɛ afɔleɛ, ɔne asomdwee afɔleɛ anwo nhyehyɛleɛ ɛhe;

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 6:13

Afei, nnɛma ɛmɔfa ɛmɔ nipadua akwaa biala bɛma bɔne ná wamva wanyɔ amumuyɛɛ, na mmom ɛ́mɔfa ɛmɔ nwo bɛ́ma Nyameɛ kyɛ bɛ bɔ befi ewue nu bahɔ ngoa nu ɔ. Ɛ́mɔfa ɛmɔ nwo amukoraa bɛ́ma ye, ná ɔfa yɔ tenenee nnwumaa.

Romanfoɛ 6:19

Ɔnate ɛmɔ anwoɔnaen mmerɛyɛlɛ ti yeɛ mafa kuro sona atee so madwudwo mahyire ɛmɔ ɔ. Na kyɛbɔ mmerɛ bie ɛmɔfale ɛmɔ nwonaen akwaa bɛyɛle ngoaa bɛmane efiɛ ne amumuyɛɛ mbiri mbiri ne, sɔ ala yeɛ odi kyɛ afei ɛmɔfa ɛmɔ nwonaen akwaa besie berɛ bɛma tenenee bɛkɔ krongronyɛlɛ nu ɔ.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 6:20

Bɛtɔle ɛmɔ nyɔboɛ serɛ. Yiti ɛ́mɔfa ɛmɔ nipadua bɛhyɛ Nyameɛ animnyam.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Hebrifoɛ 5:8

Na ɔwɔ nu kyɛ ɔte Baa de, nakoso osuane sotie fili ye amaneɛnwunɛ ne anu;