Lewitikɔso 8:14 - AHYERƐLƐ KRONGRON

¹⁴ Mose fale bɔne nwo afɔleɛ nandwie nyii ne wale anyunu berɛ; na Aarɔn ne ye mma mmienzua nemɔ fale bɛ sa guale bɔne nwo afɔleɛ nandwie nyii ne ti afia.

Lewitikɔso 8:14 Iomraidhean Croise

Edwein 66:15

Ngɔfa ngaka bɔ balɔ ɔ ngɔbɔ naen yeralɛ afɔleɛ mɔ ngɔma wɔ, ɔne mmoaen nyii afɔleɛ nwosina. Ngɔbɔ nandwie nyii ne mbɔngye afɔleɛ. Sela

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Hesekiel 43:19

Lewifoɛ bɔ bɛte asɔfo bɔ bɛte Sadoke bosofoɛ ne, bɔ yeɛ bepingye me bɛbaso me ne, fa nandwie nyii akrɔngrɔma ko ma bɛ ma bɛbɔ bɔne nwo afɔleɛ, AWURADE Nyameɛ noa dwirɛ ɛne.

Hesekiel 43:20

Fa ye mogya ne bie kekã afɔleɛ bokyea mmɛen nna nemɔ, ye afia nna nemɔ bɛ ndweasoɛ so, yeɛ ye bo kaa bɔ wapɛ ye nwo wabra wayia ne anwo. Yɔ sɔ fa te afɔleɛ bokyea ne anwo, ná pata ma ye.

Hesekiel 44:27

na kyẽa bɔ ɔ́kɔ nekaa krongron berɛ, wɔ ye kunu dɔ aluo berɛ, kyɛ ɔkwaayɔ ɛsɔnenɛ adwuma wɔ nekaa krongron berɛ nen, odi kyɛ ɔfa ye bɔne nwo afɔleɛ ɔba, AWURADE Nyameɛ noa dwirɛ ɛne.

Lewitikɔso 1:4

Odi kyɛ ɔfa ye sa to naen yeralɛ afɔleɛ kaka ne ati afia, ná Nyameɛ kole kɔto nu maa ɔkɔfa kɔyɛ ye ti mbata.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 16:6

“Odi kyɛ Aarɔn fa nandwie nyii ne bɔ bɔne nwo afɔleɛ ma ye nwo, ná ɔpata ma ye bɔbɔ ye nwo, ɔne ye awuro ama.

Lewitikɔso 4:15

Odi kyɛ maen mbanyi nemɔ, bɛfa bɛ sa bɛto nandwie ne ti afia wɔ AWURADE nyunu, ná beku nandwie ne wɔ AWURADE nyunu.

Lewitikɔso 8:2

“Fa Aarɔn ne ye mma mmienzua nemɔ, ndaadeɛ ne, ɛpopalɛ ngoo ne, bɔne nwo afɔleɛ nandwie nyii ne, mmoaen nyii nyɔ ne, kɛndɛen bɔ paanoo kabrɛdi gua nu ne;

Numeri 8:12

Ɔsɛ kyɛ Lewifoɛ mɔ bɛfa bɛ sa begua nandwie nyii nemɔ ti afia; ná Aarɔn ɔ́fa ko ɔ́bɔ bɔne nwo afɔleɛ, ná ɔ́fa ko koso ɔ́bɔ naen yeralɛ afɔleɛ ma AWURADE, ná ɔfa pata ma Lewifoɛ mɔ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,