Lewitikɔso 8:13 - AHYERƐLƐ KRONGRON

¹³ Na Mose mane Aarɔn mma mmienzua nemɔ koso wale anyunu, ɔfale aguasoɛ wurawurale bɛ, ɔfale abɔsoɛ bobɔle bɛ, ná ɔfale abotire bobɔle bɛ, kyɛbɔ AWURADE hyɛle Mose ne.

Lewitikɔso 8:13 Iomraidhean Croise

Edwein 132:9

Ma w’asɔfo mɔ bɛfa tenenee bɛhera, ná ma w’anwoteefoɛ mɔ bɛfa ahurusi bɛbɔ ese.

Ɛksadɔso 40:13

Afei fa ndaadeɛ krongron nemɔ wura Aarɔn, ná fa ɛpopalɛ ngoo ne gua ye ti so, ná te ye nwo ma oli sɔfo so me.

Ɛksadɔso 40:16

Mose yɔle nikyee biala pɛpɛɛpɛ, kyɛbɔ AWURADE hyɛle ye ne ala.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 61:6

nakoso ɛmɔ de, bɛkɔfrɛ ɛmɔ AWURADE asɔfo, mmenia kɔhã kyɛ ɛmɔte yɛ Nyameɛ somvoɛ mɔ; ɛmɔkoli maen maen mɔ b’anwonya, na ɛmɔkɔfa b’anwonya nningyein ne bɛkɔhoahoa ɛmɔ nwo.

Hesekiel 42:14

Sɛ asɔfo nemɔ bɛbaawura nekaa krongron ne anu a, onni kyɛ befi berɛ bɛkɔ aluo berɛ pato ne anu dɔ, sana bepuro bɛ ndaadeɛ bɔ bɛfa bɛsɔne ne begua berɛ koraka, ofikyɛ ndaadeɛ nemɔ te krongron. Odi kyɛ bɛfa ndaadeɛ mbaen bie bewura, koraka né bapingye nekaa bɔ mmenia le atee kyɛ bɛkɔ ne.”

Lewitikɔso 10:5

Yiti kyɛbɔ Mose hyɛle ne, bepingyele berɛ na bɛsoale bɛ fuin nemɔ wɔ b’aguasoɛ nu befili asikyeleɛ ne anu.

Lewitikɔso 8:21

Na bɛfale nzue benwunzini ye kunu nningyein ne ye gya nemɔ anwo beyiele nen, Mose yerale boaen nyii mumua ne amu wɔ afɔleɛ bokyea ne aso fa bɔle naen yeralɛ afɔleɛ bɔ ɔbo fona ná bafa see babɔ bama AWURADE ɔ, kyɛbɔ AWURADE hyɛle Mose ne.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 5:10

na ayɛ bɛ ahennie maen ne asɔfo ama yɛ Nyameɛ, na bekoli aseɛ so hene.”