Lewitikɔso 7:6 - AHYERƐLƐ KRONGRON

⁶ Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Lewitikɔso 7:6 Iomraidhean Croise

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Lewitikɔso 2:3

Aburoo afɔleɛ ne ngaa ne kɔyɛ Aarɔn ne ye mma mmienzua mɔ deɛ; afɔleɛ bɔ bɛbɔ ye see so bɛma AWURADE ne, ɛhe yeɛ ɔte krongron paa ɔ.

Lewitikɔso 21:22

Ye Nyameɛ aleɛ ne, bɔ ɔte krongron paa ɔne bɔ ɔte krongron ne, ɔkɔhora koli bie.

Lewitikɔso 6:11

Afei odi kyɛ ɔye ye ndaadeɛ ne, ná owura ndaadeɛ foforɛ, ná ɔsoa nzoen ne kɔ asikyeleɛ ne asi dɔ nekaa bɔ berɛ te sannwuu ɔ.

Lewitikɔso 6:29

Bienzua biala bɔ ofi asɔfokure ne anu ne, ɔkora odi bie; ɔte nikyee krongron paa.

Lewitikɔso 7:5

Na ɔsɔfo ne kɔyera bɛ afɔleɛ bokyea ne aso kyɛ afɔleɛ bɔ bɛyera ye see so bɛma AWURADE ɔ; ɔte foɛlilɛ afɔleɛ.

Hagae 2:12

‘Sɛ ebie fa naen bɔ ɔte krongron ɔ owura ye tena nu, ná ɔfa ye tena ne kã paanoo, anaa aleɛ bɔ bato, anaa nzaa, anaa ngoo, anaa aleɛ biala a, aso sɔ nikyee ne kɔyɛ krongron anaa?’ ” Yeɛ asɔfo nemɔ buale kyɛ, “Daabi.”

1 Korintofoɛ 10:18

Ɛmɔnea Yisraelfoɛ! Aso bɛ bɔ bedi afɔlebɔdeɛ nen, bɛ ne afɔleɛ bokyea ne bennyane abiɛngoɛfalɛ anaa?

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?