Lewitikɔso 7:32 - AHYERƐLƐ KRONGRON

³² Na ye sɔ famaa ne de, odi kyɛ ɛmɔfa bɛma ɔsɔfo ne kyɛ akyɛdeɛ bɔ ofi ɛmɔ asomdwee afɔleɛ ne anu ɔ.

Lewitikɔso 7:32 Iomraidhean Croise

Ɛksadɔso 29:27

“Ɔsɔfohyɛlɛ boaen nyii ne, ye sa bɔ ɛfa bɔle ɛnwahanɛ afɔleɛ ne, ɔne ye sɔ bɔ ɛfa bɔle ɛnwahanɛ afɔleɛ ne, te bɛ nwo, ofikyɛ bɛte Aarɔn ne ye mma mmienzua mɔ deɛ.

Lewitikɔso 10:14

Nakoso ye sa bɔ bɛnwaha ne, ɔne ye sɔ bɔ bɛfa bɛbɔle afɔleɛ ne, ɛ́mɔli ye wɔ nekaa bɔ berɛ te sannwuu ɔ. Ɛne wɔ mma mmienzua ne wɔ mma mmrasua mɔ yeɛ beli ɔ, ofikyɛ Yisraelfoɛ asomdwee afɔleɛ ne, ɛne wɔ mma mɔ, ɛmɔ deɛ bɔ ɔwɔ nu hɔ ɛne.

Lewitikɔso 7:33

Aarɔn mma nemɔ anu ko bɔ yeɛ ɔkɔfa asomdwee afɔleɛ ye mogya ne ye loe kɔbɔ afɔleɛ ne, ye yeɛ kaka ne sɔ famaa ne kɔyɛ ye deɛ ɔ.

Lewitikɔso 7:34

Ofikyɛ ɛnwahanɛ afɔleɛ kaka sa ne, ɔne ye sɔ bɔ bɛfa bɛbɔ afɔleɛ ne, maye mafi Yisraelfoɛ asomdwee afɔleɛ ne anu, na mafa mama ɔsɔfo Aarɔn ɔne ye mma mmienzua mɔ kyɛ bɛ bue deɛ bɔ ofi Yisraelfoɛ berɛ afebɔɔ ɛne.

Lewitikɔso 9:21

Nakoso ye sa nemɔ ne ye sɔ famaa ne de, Aarɔn pagyale fa bɔle ɛnwahanɛ afɔleɛ wɔ AWURADE nyunu kyɛbɔ Mose hyɛle ne.

Numeri 5:9

Yisraelfoɛ akyɛdeɛ krongron ne amukoraa, nu biala bɔ bɛkɔfa bɛkɔbrɛ ɔsɔfo ne, ɔkɔyɛ ye deɛ.

Numeri 6:20

Odi kyɛ ɔsɔfo ne pagya nningyein nemɔ aso bɔ ɛnwahanɛ afɔleɛ wɔ AWURADE nyunu; bɛ ne ye sa bɔ bɛnwaha ne, ɔne ye gya bɔ bɛfa bɛbɔ afɔleɛ ne, bɛte krongron, ná ɔsɔfo bue deɛ ɛne. Ye si ye, nasiriteniɛ ne le ye nwo ate kyɛ ɔno nzaa ɔ.

Deuteronomi 18:3

Asɔfo nemɔ kyɛfa bɔ bekonya bekofi mmenia bɔ bɛbɔ afɔleɛ ne berɛ ne, sɛ ɔte nandwie oo, anaa boaen oo, ɔsɛ kyɛ bɛfa ye waen ne, ye awogyee nyɔ ne, ɔne ye fure ne bɛma bɛ.

1 Samuel 9:24

Na sona bɔ ɔto aleɛ ne pagyale naen ne sɔ ne, ɔne bɔ ɔboka so ne, na ɔfa siele Sɔɔlo nyunu. Na Samuel hane kyɛ, “Nea, naen bɔ yɛfa yɛsiele ne, yeɛ bafa basie wɔ nyunu ne. Di, ofikyɛ mva nziele berɛ mane wɔ, kyɛ odwu sɔ mmerɛ ye a, ɛne mmenia bɔ mato asaa mafrɛ bɛ ne kodidi.” Yiti Sɔɔlo ne Samuel tole asaa didili sɔ kyẽa ne.