Lewitikɔso 7:31 - AHYERƐLƐ KRONGRON

³¹ Odi kyɛ ɔsɔfo ne yera ɛloe ne wɔ afɔleɛ bokyea ne aso. Nakoso kaka ne sa ne de, Aarɔn ne ye mma mmienzua mɔ bɛ deɛ ɔ.

Lewitikɔso 7:31 Iomraidhean Croise

Ɛksadɔso 29:26

“Aarɔn sɔfohyɛlɛ boaen nyii ne, fa ye sa ne, ná pagya so kɔ anwuro ma ɔyɛ ɛnwahanɛ afɔleɛ wɔ AWURADE nyunu, na ɔkɔyɛ wɔ deɛ.

Lewitikɔso 3:11

Na odi kyɛ ɔsɔfo ne ɔyera ye afɔleɛ bokyea ne aso maa ɔyɛ aleɛ bɔ bɛyera ye see so bɛma AWURADE ɔ.

Lewitikɔso 3:16

Na odi kyɛ ɔsɔfo ne ɔyera bɛ wɔ afɔleɛ bokyea ne aso maa ɔyɛ aleɛ bɔ bɛyera ye see so ná bɔ ɔbo fona ɔ. Ɛloe ne amukoraa te AWURADE deɛ.

Lewitikɔso 3:5

Na odi kyɛ Aarɔn mma mmienzua nemɔ, bɛfa begua naen yeralɛ afɔleɛ bɔ ogua see so wɔ afɔleɛ bokyea so ne aso, ná bɛyera ye; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 5:13

Yiti ɔsɔfo ne kɔpata kɔma ye wɔ bɔne bɔ wayɔ wɔ ɛhemɔ biala nu ɔ, na Nyameɛ kɔfa ye bɔne kɔhyɛ ye. Afɔleɛ ne ngaa ne koso kɔyɛ ɔsɔfo ne deɛ, kyɛ aburoo afɔleɛ ne ala.

Lewitikɔso 6:16

Na ye ngaa ne, Aarɔn ne ye mma mɔ beli; odi kyɛ bedi ye kabrɛdi wɔ nekaa bɔ ɔte krongron ɔ; beli ye wɔ ɛtena sua atenaleɛ ne aluo.

Lewitikɔso 6:26

Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Lewitikɔso 7:34

Ofikyɛ ɛnwahanɛ afɔleɛ kaka sa ne, ɔne ye sɔ bɔ bɛfa bɛbɔ afɔleɛ ne, maye mafi Yisraelfoɛ asomdwee afɔleɛ ne anu, na mafa mama ɔsɔfo Aarɔn ɔne ye mma mmienzua mɔ kyɛ bɛ bue deɛ bɔ ofi Yisraelfoɛ berɛ afebɔɔ ɛne.

Lewitikɔso 8:29

Mose fale kaka ne sa ne, na ɔpagyale ye fa yɛle ɛnwahanɛ afɔleɛ wɔ AWURADE nyunu; sɔfohyɛlɛ boaen nyii ne, Mose bue deɛ bɔ ɔwɔ nu hɔ ɛne, kyɛbɔ AWURADE hyɛle Mose ne.

Numeri 18:11

Ɛhe koso te wɔ deɛ: akyɛdeɛ biala bɔ baye bafi Yisraelfoɛ ɛnwahanɛ afɔleɛ amukoraa nu ɔ. Mafa mama wɔ ne wɔ mma mmienzua ne wɔ mma mmrasua. Ɔte akyɛdeɛ afebɔɔ, ebiala bɔ ye nwo te wɔ w’awuro berɛ ne, ɔkora odi bie.

Numeri 18:18

Nakoso bɛ naen de, ɔte wɔ deɛ, kyɛbɔ ye sa bɔ banwaha ne, ɔne ye sɔ famaa ne te wɔ deɛ ne.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

Deuteronomi 18:3

Asɔfo nemɔ kyɛfa bɔ bekonya bekofi mmenia bɔ bɛbɔ afɔleɛ ne berɛ ne, sɛ ɔte nandwie oo, anaa boaen oo, ɔsɛ kyɛ bɛfa ye waen ne, ye awogyee nyɔ ne, ɔne ye fure ne bɛma bɛ.