Lewitikɔso 7:30 - AHYERƐLƐ KRONGRON

³⁰ Odi kyɛ ɔfa afɔleɛ bɔ bɛfa see bɛbɔ bɛma AWURADE ne otira ba; odi kyɛ ɔfa ye loe ɔboka ye sa ne aso, ná ɔpagya ye sa ne maa ɔyɛ ɛnwahanɛ afɔleɛ wɔ AWURADE nyunu.

Lewitikɔso 7:30 Iomraidhean Croise

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Lewitikɔso 10:14

Nakoso ye sa bɔ bɛnwaha ne, ɔne ye sɔ bɔ bɛfa bɛbɔle afɔleɛ ne, ɛ́mɔli ye wɔ nekaa bɔ berɛ te sannwuu ɔ. Ɛne wɔ mma mmienzua ne wɔ mma mmrasua mɔ yeɛ beli ɔ, ofikyɛ Yisraelfoɛ asomdwee afɔleɛ ne, ɛne wɔ mma mɔ, ɛmɔ deɛ bɔ ɔwɔ nu hɔ ɛne.

Lewitikɔso 10:15

Ye sɔ bɔ bɛfa bɛbɔ afɔleɛ ne, ɔne ye sa bɔ bɛnwaha ne de, odi kyɛ bɛfa bɛboka ɛloe bɔ bɛfa see bɛyera bɛbɔ afɔleɛ ne aso bɛba, ná bɛfa bɛbɔ ɛnwahanɛ afɔleɛ wɔ AWURADE nyunu, na ɔkɔyɛ wɔ ne wɔ mma mɔ deɛ afebɔɔ, kyɛbɔ AWURADE ahyɛ ne.”

Lewitikɔso 3:14

Ɛloe bɔ wato wafa ye kunu nningyein anwo ne, ɔne ɛloe bɔ ɔwɔ ye kunu nningyein anwo ne amukoraa, odi kyɛ ɛye fi asomdwee afɔleɛ ne anu ná ɛfa see yera ye ɛbɔ afɔleɛ ma AWURADE.

Lewitikɔso 3:9

Odi kyɛ ɛfa ɛhemɔ fi ye asomdwee afɔleɛ ne anu ná ɛyera bɛ bɔ afɔleɛ ma AWURADE: ye loe, ye dua pue bɔ baye bafi ye sisia ne anu, ɛloe bɔ wato wafa ye kunu nningyein anwo, ɔne ɛloe bɔ ɔwɔ ye kunu nningyein anwo ne amukoraa,

Lewitikɔso 8:27

Ɔfale ye mukoraa guale Aarɔn ne ye mma mmienzua nemɔ sa nu, na ɔmaa bɛpagyale so bɛyɛle ɛnwahanɛ afɔleɛ wɔ AWURADE nyunu.

Lewitikɔso 8:29

Mose fale kaka ne sa ne, na ɔpagyale ye fa yɛle ɛnwahanɛ afɔleɛ wɔ AWURADE nyunu; sɔfohyɛlɛ boaen nyii ne, Mose bue deɛ bɔ ɔwɔ nu hɔ ɛne, kyɛbɔ AWURADE hyɛle Mose ne.

Lewitikɔso 9:20

Belili moa bɛfale ɛloe ne beguale ye sa nemɔ aso, na ɔyerale ɛloe ne wɔ afɔleɛ bokyea ne aso.

Lewitikɔso 9:21

Nakoso ye sa nemɔ ne ye sɔ famaa ne de, Aarɔn pagyale fa bɔle ɛnwahanɛ afɔleɛ wɔ AWURADE nyunu kyɛbɔ Mose hyɛle ne.

Numeri 6:20

Odi kyɛ ɔsɔfo ne pagya nningyein nemɔ aso bɔ ɛnwahanɛ afɔleɛ wɔ AWURADE nyunu; bɛ ne ye sa bɔ bɛnwaha ne, ɔne ye gya bɔ bɛfa bɛbɔ afɔleɛ ne, bɛte krongron, ná ɔsɔfo bue deɛ ɛne. Ye si ye, nasiriteniɛ ne le ye nwo ate kyɛ ɔno nzaa ɔ.

Numeri 8:11

Odi kyɛ Aarɔn fa Lewifoɛ mɔ bagyina AWURADE nyunu maa bɛyɛ ɛnwahanɛ afɔleɛ bɔ ofi Yisraelfoɛ berɛ ɔ, amaa ɔnate so Lewifoɛ bayɔ AWURADE adwuma.

Yohane 10:18

Ebie nne mvi me sa nu, na mmom me bɔbɔ yeɛ mefa meto berɛ ɔ. Ye nwo tumi wura me sa kyɛ mefa meto berɛ ɔ, yeɛ ye nwo tumi wura me sa kyɛ mesa mefa ye bieku ɔ; na ahyɛdeɛ he yeɛ nya mvili me Baba berɛ ɔ.”

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

Deuteronomi 18:3

Asɔfo nemɔ kyɛfa bɔ bekonya bekofi mmenia bɔ bɛbɔ afɔleɛ ne berɛ ne, sɛ ɔte nandwie oo, anaa boaen oo, ɔsɛ kyɛ bɛfa ye waen ne, ye awogyee nyɔ ne, ɔne ye fure ne bɛma bɛ.