Lewitikɔso 7:24 - AHYERƐLƐ KRONGRON

²⁴ Kaka biala bɔ ye bɔbɔ okowu, anaakyɛ bɔ kaka aboyaa bie kohũ ye ne, ɛmɔkɔhora bɛkɔfa ye loe bɛkɔyɔ nikyee foforɛ, nakoso nnɛma ɛmɔdi.

Lewitikɔso 7:24 Iomraidhean Croise

Ɛksadɔso 22:30

Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Ɛksadɔso 22:31

“Ɛmɔkɔyɛ me mmenia krongron, yiti nnɛma ɛmɔdi naen biala bɔ kaka bie ahu ye wɔ eburo ɔ; ɛ́mɔgyi bégua bɛ́ma ngyea.

Hesekiel 4:14

Yeɛ nzele kyɛ, “Ao, AWURADE Nyameɛ, me kra nwo ogguale fiɛ le; ofi me ngwadaa nu bɔ ɔbaadwu ɛnɛ ɔ, nnnili kaka bɔ ye bɔbɔ wawu ɔ anaa bɔ kaka bie ahye ye ɔ le, yeɛ akyiwadeɛ naen biala ɔhhane me noa le.”

Hesekiel 44:31

Onni kyɛ asɔfo nemɔ bedi nikyee biala bɔ ye bɔbɔ wawu, anaa bɔ kaka bie ahu ye ɔ, kyɛ anomaa oo, anaa kaka bie oo.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Lewitikɔso 22:8

Naenmvuin anaa naen bɔ kaka aboyaa bie ahu ye atete ye de, nnɛmaa odi ná wamva wangua ye nwo fiɛ: Me ole AWURADE.’

Lewitikɔso 7:25

Kaka bɔ bayera ye bafa babɔ afɔleɛ bama AWURADE ne, ebiala bɔ okoli ye loe ne, odi kyɛ bɛpɛ ye asue befi maen ne anu.

Deuteronomi 14:21

“Nnɛma ɛmɔdi kaka fuin biala. Ɛkɔhora kɔfa kɔma ɛwɔfoɛ bɔ ɔwɔ wɔ kuro maa okoli, anaakyɛ ɛkɔhora kɔyɛ ye atɔen kɔma ɛwɔfoɛ; ofikyɛ ɛte maen krongron ma AWURADE wɔ Nyameɛ. “Nnɛfa abɔngye ba oni nyɔfonesue gua ye nwo to.