Lewitikɔso 7:2 - AHYERƐLƐ KRONGRON

² Nekaa bɔ beku naen yeralɛ afɔleɛ ngaka ne, berɛ yeɛ odi kyɛ beku foɛlilɛ afɔleɛ kaka ne ɔ, na odi kyɛ behwie ye mogya ne begua afɔleɛ bokyea ne anwo bɛbra beyia.

Lewitikɔso 7:2 Iomraidhean Croise

Yesaya 52:15

sɔ ala yeɛ ɔkɔma maen maen mɔ bɛ nwo kodwiri bɛ ɔ; ɔnate ye ti ahemvo mɔ kɔtotɔ mmobo; ɔnate kyɛ, bɔ bɛhhã behhyirele bɛ ne, bekonwu ye; yeɛ bɔ bɛttele ne, bɛkɔte ye bo.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hesekiel 40:39

Na abrannaa so berɛ anoa piri ne anu, né ɛpoen nyɔ gyigyi bue ko, yeɛ nyɔ koso begyigyi bue ko, bɔ so yeɛ beku naen yeralɛ afɔleɛ, bɔne nwo afɔleɛ ne foɛlilɛ afɔleɛ ngaka nemɔ ɔ.

Lewitikɔso 1:11

Odi kyɛ oku ye wɔ afɔleɛ bokyea ne sorɔ wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa ye mogya ne, ná béhwie bégua afɔleɛ bokyea ne nwo bɛ́bra béyia.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 1:5

Na afei ohu nandwie nyii ne wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa mogya ne, ná béhwie bégua afɔleɛ bokyea bɔ ogyi ɛtena sua atenaleɛ anoa nu berɛ ne anwo bɛ́bra béyia.

Lewitikɔso 14:13

Odi kyɛ oku boaen akrɔngrɔma ne wɔ nekaa krongron berɛ, nekaa bɔ beku bɔne nwo afɔleɛ ɔne naen yeralɛ afɔleɛ ngaka ne, ofikyɛ foɛlilɛ afɔleɛ te kyɛ bɔne nwo afɔleɛ ne ala; ɔte ɔsɔfo ne deɛ na ɔte krongron paa.

Lewitikɔso 3:2

Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 3:8

Odi kyɛ ɛfa wɔ sa to kaka ne ti afia ná eku ye wɔ ɛtena sua atenaleɛ ne anyunu, ná Aarɔn mma mmienzua nemɔ béhwie ye mogya ne bégua afɔleɛ bokyea ne anwo bɛ́bra béyia.

Lewitikɔso 4:24

Ɔsɛ kyɛ ɔfa ye sa to abɔngye ne ti afia, ná oku kaka ne wɔ nekaa bɔ yeɛ beku naen yeralɛ afɔleɛ ngaka wɔ AWURADE nyunu ne; ɔte bɔne nwo afɔleɛ.

Lewitikɔso 4:29

Ɔsɛ kyɛ ɔfa ye sa to bɔne nwo afɔleɛ ne ti afia, ná oku ye wɔ nekaa bɔ bɛbɔ naen yeralɛ afɔleɛ nen.

Lewitikɔso 4:33

Odi kyɛ ɔfa ye sa to bɔne nwo afɔleɛ ne ti afia, ná oku ye fa yɛ bɔne nwo afɔleɛ wɔ nekaa bɔ yeɛ beku naen yeralɛ afɔleɛ ne.

Lewitikɔso 5:16

Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Lewitikɔso 5:9

Odi kyɛ ɔfa bɔne nwo afɔleɛ mogya ne bie ɔpete afɔleɛ bokyea ne ngyɛnu, na mogya ne ngaa ne de, ohwi ogua afɔleɛ bokyea ne abo; ɔte bɔne nwo afɔleɛ.

Lewitikɔso 6:25

“Ka kyire Aarɔn ne ye mma mmienzua mɔ kyɛ, ‘Bɔne nwo afɔleɛ nwo nhyehyɛleɛ ɛhe: Nekaa bɔ beku naen yeralɛ afɔleɛ ngaka nemɔ ne, berɛ yeɛ ɔsɛ kyɛ beku bɔne nwo afɔleɛ kaka ne wɔ AWURADE nyunu ɔ; ɔte krongron paa.

Lewitikɔso 6:7

Ɔsɔfo ne kɔpata kɔma ye wɔ AWURADE nyunu, na Nyameɛ kɔfa ye bɔne kɔhyɛ ye wɔ nikyee biala bɔ sona yɔ a, ɔmaa odi fɔ ne anwo.”

Numeri 6:12

ná otu ye nwo sie berɛ ma AWURADE mmerɛ biala bɔ ɔtɛ te nasiriteniɛ ɔ. Odi kyɛ ɔfa boaen nyii akrɔngrɔma ko bɔ wali afoɛ ko ɔbabɔ foɛlilɛ afɔleɛ. Mmerɛ daa bɔ olili moa tuli ye nwo siele berɛ mane AWURADE ne de, wayera wagua, ofikyɛ efiɛ hane ye ti bɔ ɔyɛle ye krongron ne.

Hebrifoɛ 11:28

Ɔnate gyidie so yeɛ ɔfa hyehyɛle Abɔtra ne, ɔne mogya petenɛ wɔ b’anoa nyunu ɔ, kyɛbɔ ɔkɔyɛ ná ewue abɔfo ne wanguku bɛ bamuɛbaa nemɔ ɔ.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.