Lewitikɔso 7:16 - AHYERƐLƐ KRONGRON

¹⁶ Nakoso sɛ w’afɔleɛ ne te bɔhyɛlɛ afɔleɛ anaa akyɛdeɛ afɔleɛ a, odi kyɛ edi ye ɛlɛho bɔ ɛkɔbɔ afɔleɛ ne ala, na aleɛ kye a, di ye ngaa bɔ waha ne.

Lewitikɔso 7:16 Iomraidhean Croise

Edwein 116:14

Ngotua m’aboadeɛ ngɔma AWURADE, wɔ ye mmenia amukoraa bɛ nyunu.

Edwein 116:18

Ngotua m’aboadeɛ ngɔma AWURADE, wɔ ye mmenia amukoraa bɛ nyunu,

Edwein 66:13

Ngɔfa naen yeralɛ afɔleɛ mɔ ngɔwa w’awuro berɛ; ngotua m’aboadeɛ mɔ ngɔma wɔ,

Ɛksadɔso 35:29

Na Yisrael mmienzua ne mmrasua mukoraa bɔ edwirɛ ne kanyane bɛ kyɛ bɛ́fa nningyein bɛɛboka adwuma bɔ AWURADE nate Mose so wahyɛ bɛ kyɛ bɛyɔ nen, bɛfale b’akyɛdeɛ afɔleɛ nningyein bɛbrɛle AWURADE.

Anyandera 7:14

“Mabɔ asomdwee afɔleɛ, yeɛ matua m’aboadeɛ ɛnɛ;

Hesekiel 46:12

Sɛ ɛhene ne ɔbaabɔ akyɛdeɛ afɔleɛ ma AWURADE a, kyɛ naen yeralɛ afɔleɛ oo, anaa asomdwee afɔleɛ oo, odi kyɛ bebukye anoa piri bɔ ye nye kyire eyia afiteleɛ ne bɛma ye, na odi kyɛ ɔbɔ ye naen yeralɛ afɔleɛ ɔne ye asomdwee afɔleɛ ne kyɛbɔ ɔyɔ ye afofikyẽa ne ala. Afei odi kyɛ ofite, na ofite yie a, odi kyɛ bɛto anoa piri ne anu.

Lewitikɔso 22:23

Nandwie biala anaa boaen biala bɔ ye nekaa bie ayɛ tendenn anaa tika watra ko ne, ɛkɔhora kɔfa kɔbɔ akyɛdeɛ afɔleɛ, nakoso ɛfa yɛ aboadeɛ de a, Nyameɛ nye ngɔsɔ.

Lewitikɔso 22:29

Sɛ ɛmɔbɔ asennaa afɔleɛ bɛma AWURADE a, ɛ́mɔbɔ ye kyɛbɔ ɔkɔsɔ Nyameɛ nye ɔ.

Lewitikɔso 23:38

AWURADE afofingyẽa nemɔ koso, odi kyɛ ɛmɔdi so, ná ɛ́mɔfa ɛmɔ ayɛyɛdeɛ, ɛmɔ aboadeɛ afɔleɛ amukoraa, ɔne ɛmɔ akyɛdeɛ afɔleɛ amukoraa bɔ ɛmɔfa bɛbrɛ AWURADE ne bɛboka so.

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:17

Nnɛdi sɔ nningyein hemɔ wɔ wɔ nguro nemɔ anu: w’aburoo buru nu ngyɛmuɛ ko, wɔ nzaa buru nu ngyɛmuɛ ko, yeɛ wɔ ngoo buru nu ngyɛmuɛ ko, anaa wɔ nandwie ne wɔ mmoaen bamuɛbaa mɔ, anaa w’aboadeɛ afɔleɛ biala, w’akyɛdeɛ afɔleɛ, anaa wɔ ndoboa.

Deuteronomi 12:26

Nakoso wɔ ndoboa krongron bɔ ɔsɛ kyɛ ɛfa bɔ afɔleɛ ne, ɔne w’aboadeɛ afɔleɛ ne de, fa kɔ nekaa bɔ AWURADE kɔneanea nu kɔye kosie berɛ ne.

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.