Lewitikɔso 7:14 - AHYERƐLƐ KRONGRON

¹⁴ Odi kyɛ ɛye paanoo ko fi afɔleɛ ne biala nu maa ɔyɛ akyɛdeɛ bɔ ɛfa brɛ AWURADE ɔ; ɔsɔfo bɔ ohwie asomdwee afɔleɛ mogya ne gua ne, ɔte ye deɛ.

Lewitikɔso 7:14 Iomraidhean Croise

Lewitikɔso 6:26

Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Numeri 18:19

Afɔleɛ krongron amukoraa bɔ Yisraelfoɛ bɔ ma AWURADE ne, mafa mama wɔ ne wɔ mma mmienzua ne wɔ mma mmrasua mɔ. Ɔte ɛmɔ deɛ afebɔɔ. Ɔte ngyee apam afebɔɔ wɔ AWURADE nyunu ma wɔ ne wɔ bosofoɛ koso.”

Numeri 31:29

Ye fi bɛ bue deɛ ne anu ná fa ma ɔsɔfo Eleasa. Ɔte afɔleɛ ma AWURADE.

Numeri 31:41

Ɛtoɔ ne, bɔ ɔte afɔleɛ ma AWURADE ne, Mose fa mane ɔsɔfo Eleasa, kyɛbɔ AWURADE hyɛle Mose ne.

1 Korintofoɛ 10:18

Ɛmɔnea Yisraelfoɛ! Aso bɛ bɔ bedi afɔlebɔdeɛ nen, bɛ ne afɔleɛ bokyea ne bennyane abiɛngoɛfalɛ anaa?

Deuteronomi 18:8

Ɔsɛ kyɛ onya ye kyɛfa pɛpɛɛpɛ odi, kyɛ asɔfo ngaa ne ala, ɔwɔ nu kyɛ wanya sikaa wafi ɔse agyapadeɛ bɔ bayɛ ye atɔen ne anu de.