Lewitikɔso 7:13 - AHYERƐLƐ KRONGRON

¹³ Na w’asomdwee afɔleɛ bɔ ɛfa da ase ne de, odi kyɛ ɛfa mɔle harewaa paanoo ɛboka so.

Lewitikɔso 7:13 Iomraidhean Croise

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Lewitikɔso 2:12

Ɛ́mɔfa sɔ nningyein ye bɛ́brɛ AWURADE kyɛ fieso nningyein bɔ oli moa ɔ, nakoso nnɛma ɛmɔyera bɛ wɔ afɔleɛ bokyea ne aso kyɛ afɔleɛ bɔ ɔbo fona ɔ.

Lewitikɔso 23:17

Odi kyɛ ɛmɔfa paanoo mumua nyɔ befi ɛmɔ atenaleɛ nemɔ anu bɛbabɔ ɛnwahanɛ afɔleɛ maa ɔyɛ aleɛ bɔ bali moa bate afɔleɛ ma AWURADE. Odi kyɛ paanoo ko biala bɛfa esam paa bɔ bafa mɔle harewaa bafra ɔ olonka nyɔ yeɛ bɛto ɔ.

Lewitikɔso 23:18

Odi kyɛ ɛmɔfa ɛhemɔ bɛboka paanoo ne aso: mmoaen nzoo bɔ bali afoɛ ngoko bɔ bellili nnɛen ɔ, nandwie nyii akrɔngrɔma ko, ɔne mmoaen nyii nyɔ; odi kyɛ bɛfa bɛbɔ naen yeralɛ afɔleɛ bɛma AWURADE. Aburoo afɔleɛ ne anonneɛ afɔleɛ ne koso boka so, na ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Amose 4:5

Ao ɛmɔ, Yisraelfoɛ, ɛ́mɔfa paanoo harewaa bɛ́bɔ asennaa afɔleɛ. Ɛ́mɔbɔ akyɛdeɛ afɔleɛ nwo dawure, ɛ́mɔfa bɛ́to dwaa, ofikyɛ bɔ ɛmɔkuro kyɛ ɛmɔyɔ hɔ ɛne,” AWURADE Nyameɛ noa dwirɛ ɛne.

Mateo 13:33

Yesu buli bɛ anyandera foforɛ bieku kyɛ, “Nyameɛso ahennie ne, ɔte kyɛ mɔle harewaa bɔ braa bie fa forale esam kongo nza maa odwuli kyɛ ye mukoraa tuli ɔ.”

1 Timoteo 4:4

Ofikyɛ Nyameɛ abɔdeɛ biala te paa, na sɛ yɛfa asennaa yɛsɔ nu de a, ye de ɔnzɛ kyɛ yɛkyi nikyee fee ɔ;