Lewitikɔso 7:12 - AHYERƐLƐ KRONGRON

¹² Sɛ ɛbɔ fa da AWURADE ase a, ye de odi kyɛ ɛfa taterɛ kabrɛdi bɔ bafa ngoo bafete ɔ, apiti kabrɛdi bɔ bafa ngoo bafa ye nwo ɔ, ɔne mɔle paa taterɛ bɔ bafa ngoo bafete ɔ boka asennaa afɔleɛ ne aso.

Lewitikɔso 7:12 Iomraidhean Croise

2 Aberɛso Dwirɛ 29:31

Afei Hesekia hane kyɛ, “Kekesaala ye de, ɛmɔatu bɛ nwo basie berɛ bama AWURADE. Ɛmɔbra, ná ɛ́mɔfa afɔleɛ mɔ ne asennaa afɔleɛ bɛbra AWURADE awuro.” Yiti badwa ne fale afɔleɛ mɔ ne asennaa afɔleɛ bɛwale, na bɛ bɔ baye bɛ kunu sefaa ne, bɛfale naen yeralɛ afɔleɛ mɔ bɛwale.

2 Aberɛso Dwirɛ 33:16

Asa koso, osa sili AWURADE afɔleɛ bokyea ne, na ɔbɔle asomdwee afɔleɛ mɔ ne asennaa afɔleɛ wɔ so. Ɔfale ahyɛdeɛ mane Yuda kyɛ bɛsɔne AWURADE Yisrael Nyameɛ ne.

Nehemia 12:43

Sɔ kyẽa ne, bɛbɔle afɔleɛ mbiri mbiri belili ahurusi, ofikyɛ Nyameɛ maa bele anigye belili ahurusi. Mmrasua mbanyi nemɔ bɛ ne ngwadaa nemɔ koso bɛgyele bɛ nye. Anigye bɔ bɛgyele wɔ Yerusalem ne, né bɛte ye dedeede.

Edwein 107:8

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 116:17

Ngɔbɔ asennaa afɔleɛ ngɔma wɔ, ná masu mafrɛ AWURADE dumaa.

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Lewitikɔso 2:4

“Sɛ w’afɔleɛ ne te aburoo afɔleɛ bɔ bato ye foonoo nu a, odi kyɛ ɛfa esam paa: taterɛ kabrɛdi bɔ bafa ngoo bafete ɔ, anaakyɛ apiti kabrɛdi bɔ bafa ngoo bafa ye nwo ɔ.

Lewitikɔso 2:5

Na sɛ w’afɔleɛ ne te aburoo afɔleɛ bɔ bahye ye kyɛnzee nu a, odi kyɛ esam kabrɛdi paa bɔ bafa ngoo bafra ye, yeɛ bɛfa bɛkye ɔ;

Lewitikɔso 22:29

Sɛ ɛmɔbɔ asennaa afɔleɛ bɛma AWURADE a, ɛ́mɔbɔ ye kyɛbɔ ɔkɔsɔ Nyameɛ nye ɔ.

Lewitikɔso 6:16

Na ye ngaa ne, Aarɔn ne ye mma mɔ beli; odi kyɛ bedi ye kabrɛdi wɔ nekaa bɔ ɔte krongron ɔ; beli ye wɔ ɛtena sua atenaleɛ ne aluo.

Lewitikɔso 7:15

Na wɔ asennaa asomdwee afɔleɛ naen ne de, odi kyɛ edi ye kyẽa bɔ ɛkɔbɔ afɔleɛ ne ala; onni kyɛ ɛma aleɛ kye ebie so.

Amose 4:5

Ao ɛmɔ, Yisraelfoɛ, ɛ́mɔfa paanoo harewaa bɛ́bɔ asennaa afɔleɛ. Ɛ́mɔbɔ akyɛdeɛ afɔleɛ nwo dawure, ɛ́mɔfa bɛ́to dwaa, ofikyɛ bɔ ɛmɔkuro kyɛ ɛmɔyɔ hɔ ɛne,” AWURADE Nyameɛ noa dwirɛ ɛne.

Numeri 6:15

paanoo kabrɛdi kɛndɛen ko, taterɛ bɔ bafa esam paa bɔ bafa ngoo bafra ye bayɔ ɔ; apiti kabrɛdi bɔ bafa ngoo bafa ye nwo ɔ, yeɛ bɛ nwo aburoo afɔleɛ ne bɛ nwo anonneɛ afɔleɛ.

Luka 17:16

na ɔfale ye nyunu butuli ase wɔ Yesu gya bo lale ye ase. Né ye de, ɔte Samarianiɛ.

Luka 17:18

Bannwu bɛ nu biala kyɛ wasa ye si wawa kyɛ ɔbaafa animnyam ma Nyameɛ ɔ, sana amanvraniɛ he ngome?”

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

Ɛfesofoɛ 5:20

na mmerɛ biala ne nikyee biala nu, ɛ́mɔfa asennaa bɛ́ma Baba Nyameɛ wɔ y’Awurade Yesu Kristo dumaa nu.

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.