Lewitikɔso 6:7 - AHYERƐLƐ KRONGRON

⁷ Ɔsɔfo ne kɔpata kɔma ye wɔ AWURADE nyunu, na Nyameɛ kɔfa ye bɔne kɔhyɛ ye wɔ nikyee biala bɔ sona yɔ a, ɔmaa odi fɔ ne anwo.”

Lewitikɔso 6:7 Iomraidhean Croise

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Hesekiel 33:19

Yeɛ sɛ bɔnefoɛ kakyi ye si ma ye bɔne, ná ɔyɔ bɔ ɔte paa ne bɔ ɔtengyɛ a, nu yeɛ okonya ngoa ɔ.

Lewitikɔso 2:1

“Sɛ ebie fa aburoo afɔleɛ brɛ AWURADE a, odi kyɛ ye afɔleɛ ne yɛ esam paa; óhwie ngoo ógua so, ɔ́fa ɛyɛɛ gua so,

Lewitikɔso 4:20

Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 5:10

Odi kyɛ ɔsɔfo ne fa anomaa bɔ ɔtɔ so nyɔ ne ɔbɔ naen yeralɛ afɔleɛ, kyɛbɔ nhyehyɛleɛ ne te ɔ. Ɔsɔfo ne ɔ́pata ma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 5:13

Yiti ɔsɔfo ne kɔpata kɔma ye wɔ bɔne bɔ wayɔ wɔ ɛhemɔ biala nu ɔ, na Nyameɛ kɔfa ye bɔne kɔhyɛ ye. Afɔleɛ ne ngaa ne koso kɔyɛ ɔsɔfo ne deɛ, kyɛ aburoo afɔleɛ ne ala.

Lewitikɔso 5:18

Odi kyɛ ɔfa mmoaen kure ne anu boaen nyii bɔ ollili nnɛen biala ɔ ɔbrɛ ɔsɔfo, kyɛbɔ ɛnea a, ye nyɔboɛ fata foɛlilɛ afɔleɛ ɔ, na ɔsɔfo ne kɔpata kɔma ye wɔ mvomsoɛ bɔ wayɔ na ɔnze kyɛ wayɔ ne anwo, na Nyameɛ kɔfa kɔhyɛ ye.

Lewitikɔso 6:8

AWURADE sele Mose kyɛ,

Lewitikɔso 7:2

Nekaa bɔ beku naen yeralɛ afɔleɛ ngaka ne, berɛ yeɛ odi kyɛ beku foɛlilɛ afɔleɛ kaka ne ɔ, na odi kyɛ behwie ye mogya ne begua afɔleɛ bokyea ne anwo bɛbra beyia.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Mateo 12:31

Ɛhe ati yeɛ mekã mekyire ɛmɔ kyɛ, bɛkɔfa bɔne ne musue dwirɛ amukoraa bɛkɔhyɛ mmenia, nakoso musue dwirɛ bɔ otia Sunzum ne de, bɛngɔfa ngɔhyɛ mmenia.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.