Lewitikɔso 6:5 - AHYERƐLƐ KRONGRON

⁵ anaa nikyee biala bɔ ɔnate ngondombo ndaentalɛ so nyane ye ne, odi kyɛ osa fa ye mu kɔ; na odi kyɛ ɔbɔ ye nwo nnu nu ngyɛmuɛ ko ɔfa ma nikyee ne mene, kyẽa bɔ ɔbɔ foɛlilɛ afɔleɛ ne.

Lewitikɔso 6:5 Iomraidhean Croise

2 Samuel 12:6

Odi kyɛ ɔfa boaen ne bie si ye gya nu pɛen nna, ɔnate sɔ nikyee bɔ wayɔ ne ati, yeɛ afei ɔnate kyɛ ɔnze anwumvoin.”

Nehemia 10:35

Yale yato yɛ nwo so kyɛ afoɛ noa biala, yɛ fieso aleɛ bɔ yɛkoli moa yɛkɔfa biala, yeɛ aseɛ ne aso bakaa biala, ye mmaa bɔ yɛkoli moa yɛkɔte ne, yɛkɔfa yɛkɔwa AWURADE awuro.

Ɛksadɔso 22:1

“Sɛ ebie wua nandwie anaa boaen, ná oku ye, anaa ɔyɛ ye atɔen a, ɔsɛ kyɛ ɔfa nandwie nnu tua nandwie ko ne kerɛ, ná ɔfa mmoaen nna tua boaen ko ne kerɛ. Ɔsɛ kyɛ awueniɛ ne tua mbata, nakoso sɛ wangora ye tua a, ye de ɔsɛ kyɛ bɛyɛ ye atɔen betua kerɛ.

Ɛksadɔso 22:4

Nakoso sɛ ɛhe si wɔ mmerɛ bɔ eyia apukye a, ye de odi ye wue nwo fɔ.

Ɛksadɔso 22:7

“Sɛ ebie fa ye sikaa anaa nningyein ma obiɛngo sie, ná bewua ye wɔ sɔ sona ne awuro a, sɛ bɛkye awueniɛ ne a, ɔsɛ kyɛ awueniɛ ne tua ye mmɔhoɛ nyɔ.

Ɛksadɔso 22:9

“Edwudwolɛ biala bɔ ɔkɔwa ne, sɛ ɔfa nandwie nwo oo, afunum nwo oo, boaen nwo oo, ndaadeɛ nwo oo, anaa nikyee bie bɔ wamini nwo oo, bɔ mmenia ne anu biala nwa: ‘Me deɛ ɔ’ nen, odi kyɛ sɔ mmenia nyɔ ne fa bɛ dwirɛ ne ba Nyameɛ nyunu. Na bɛ nu ko bɔ Nyameɛ kobua ye foɛ nen, okotua ye mmɔhoɛ nyɔ kɔma obiɛngo ne.

Ɛksadɔso 30:7

Aarɔn kɔyera ayirefona wɔ so; ngyerɛmɔ biala sɛ ɔ́sosɔ nganea nemɔ a, ɔsɛ kyɛ ɔyera ayirefona ne.

Yesaya 58:6

“Aso nna akɔngyere he yeɛ ɔsɔ me nye ɔ: kyɛ ɛmɔkɔsangye nzɛmmɔne ngɔnzɔngɔnzɔ, kyɛ ɛmɔkɔsangye mmenia kɔnnua nyamaa, kyɛ ɛmɔkɔma bɛ bɔ ɛmɔhyɛ bɛ so ɔ bekonya bɛ fawɔnwodi, ɔne kyɛ ɛmɔkobubu kɔnnua biala ɔ?

Yesaya 58:9

Afei ɛkɔfrɛ, na AWURADE kɔtɛ wɔ so, ekosu kɔfrɛ, na ɔkɔhã kyɛ, Me ɛhe. “Sɛ ɛyakyi kɔnnua bɔ ɛfa to mmenia kɔme, anwunanwuna asaa tengyɛlɛ ne ɛsoentolɛ,

Hesekiel 33:15

ná sɛ bɔnefoɛ ne fa nikyee bɔ bafa basi ye berɛ awowaa ne osa ma ye mene, osa fa nikyee bɔ wawua ɔ ɔma ye mene, ná odi ngoa ahyɛdeɛ ne aso, bɔ ɔnyɔ amumuyɛɛ a, ye de, amba, okonya ngoa, ongowu.

Lewitikɔso 5:16

Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”