Lewitikɔso 6:3 - AHYERƐLƐ KRONGRON

³ anaakyɛ wanwu ye nikyee bɔ yeɛ wamini nakoso wanga nahorɛ, anaakyɛ ɔta ndaen fa kata nahorɛ so, anaakyɛ bɔne bɔ mmenia yɔ ne anu biala,

Lewitikɔso 6:3 Iomraidhean Croise

Ɛksadɔso 23:4

“Sɛ enwu kyɛ wɔ pɔfoɛ nandwie anaa ye afunum ate, ná ɔnatenate mbaen a, ka ye sá fa ye kɔma ye.

Ɛksadɔso 28:42

Fa nwera pa pieto ma bɛ maa ɔkata bɛ bienzua so. Ma ye tendenn fi bɛ sisia oodwu bɛ sɔ so.

Anyandera 24:28

Nnɛdi adanzewia tia ebiɛngo, yeɛ nnɛfa wɔ noa kekã nnakannaka dwirɛ.

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Yeremia 5:2

Ɔwɔ nu kyɛ bɛta ndaen kyɛ, “Kyɛ AWURADE te ase ye” de, nakoso ngondombo ndaen yeɛ bɛta ɔ.

Yeremia 7:9

Aso ɛmɔkowua, ɛmɔkoli awue, ɛmɔkɔsɛkye agyaa, ɛmɔkɔta ngondombo ndaen, ɛmɔkɔyera ɛyɛɛ bɛkɔma Baal, ɛmɔkoli nyameɛ foforɛ mɔ bɔ ɛmɔnze bɛ ɔ bɛ si,

Hesekiel 44:19

Na sɛ bɛbaahɔ maen ne berɛ wɔ aluo berɛ pato nu berɛ a, odi kyɛ bepuropuro ndaadeɛ bɔ bewura bɛyɔle ɛsɔnenɛ adwuma ne begua pumbu krongron nemɔ anu, ná bewura ndaadeɛ mbaen bie; amaa ɔnate so bɛ ndaadeɛ ne amma mmenia ne anyɛ krongron.

Lewitikɔso 1:16

Odi kyɛ ɔye ye komvi abo lolaa ne, ɔne bɔ ɔwɔ nu ne ná ógyi gua afɔleɛ bokyea ne ngyɛnu wɔ ye eyia afiteleɛ, nekaa bɔ bɛfa nzoen begua ne.

Lewitikɔso 16:4

Odi kyɛ owura nwera ataadeɛ tendenn krongron ne, ná owura nwera pieto ɔfa kata ye nwo, ná ɔbɔ nwera abɔsoɛ ne, ná ɔbɔ nwera abotire ne; ɛhemɔ te ndaadeɛ krongron. Ɔsɛ kyɛ ɔfa nzue bia koraka né wawura ndaadeɛ nemɔ.

Lewitikɔso 19:12

“Nnɛma ɛmɔfa me dumaa bɛta edwirɛ bɔ nahorɛ ɔnne nu ɔ nwo ndaen, ná angua wɔ Nyameɛ dumaa nwo fiɛ: Me ole AWURADE.

Sakaria 5:4

Ngɔsoma ye maa ɔkɔhɔ, Asafo AWURADE noa dwirɛ ɛne, na okowura awueniɛ n’awuro, yeɛ bɔ ɔfa me dumaa ta ndaen mbaen ɔ awuro; okosikye ye awuro berɛ, na ɔkɔyera awuro ne, nu mmakaa ne nu nyɔboɛ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.