Lewitikɔso 6:29 - AHYERƐLƐ KRONGRON

²⁹ Bienzua biala bɔ ofi asɔfokure ne anu ne, ɔkora odi bie; ɔte nikyee krongron paa.

Lewitikɔso 6:29 Iomraidhean Croise

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Lewitikɔso 6:25

“Ka kyire Aarɔn ne ye mma mmienzua mɔ kyɛ, ‘Bɔne nwo afɔleɛ nwo nhyehyɛleɛ ɛhe: Nekaa bɔ beku naen yeralɛ afɔleɛ ngaka nemɔ ne, berɛ yeɛ ɔsɛ kyɛ beku bɔne nwo afɔleɛ kaka ne wɔ AWURADE nyunu ɔ; ɔte krongron paa.

Lewitikɔso 6:26

Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Hagae 2:12

‘Sɛ ebie fa naen bɔ ɔte krongron ɔ owura ye tena nu, ná ɔfa ye tena ne kã paanoo, anaa aleɛ bɔ bato, anaa nzaa, anaa ngoo, anaa aleɛ biala a, aso sɔ nikyee ne kɔyɛ krongron anaa?’ ” Yeɛ asɔfo nemɔ buale kyɛ, “Daabi.”

Numeri 18:10

Ɔte nikyee krongron paa, na ɛmɔli. Bienzua biala kora odi bie; ɔkɔyɛ krongron kɔma ɛmɔ.