Lewitikɔso 6:26 - AHYERƐLƐ KRONGRON

²⁶ Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Lewitikɔso 6:26 Iomraidhean Croise

Ɛksadɔso 40:33

Mose lele aluo berɛ anwo ɔfa pɛle nyianu sua ne ɔne afɔleɛ bokyea ne anwo bra yiale, na ɔfale ɛtena ne nwini aluo berɛ pambim ne noa. Yiti Mose yiele adwuma ne.

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Hesekiel 46:20

Na osele me kyɛ, “Ɛwa yeɛ odi kyɛ asɔfo nemɔ bɛto mvomsoɛ nwo afɔleɛ ne bɔne nwo afɔleɛ ne ɔ, nekaa bɔ odi kyɛ bɛto aleɛ afɔleɛ ne ɔ, amaa ɔnate so bamva bamvite aluo berɛ pato nu berɛ bamma mmenia ne anyɛ krongron.

Hosea 4:8

Me maen, bɔne yeɛ ɔte b’aleɛ ɔ, na b’amumuyɛɛ yeɛ wali bɛ ti ɔ.

Lewitikɔso 6:16

Na ye ngaa ne, Aarɔn ne ye mma mɔ beli; odi kyɛ bedi ye kabrɛdi wɔ nekaa bɔ ɔte krongron ɔ; beli ye wɔ ɛtena sua atenaleɛ ne aluo.

Lewitikɔso 6:17

Nnɛmaa bɛfa mɔle harewaa bɛfra ye bɛto; afɔleɛ bɔ bɛbɔ ye see so bɛma me ne, bɛ deɛ bɔ mafa mama bɛ hɔ ɛne. Ɔte krongron paa kyɛ bɔne nwo afɔleɛ ne foɛlilɛ afɔleɛ nemɔ ala.

Lewitikɔso 6:29

Bienzua biala bɔ ofi asɔfokure ne anu ne, ɔkora odi bie; ɔte nikyee krongron paa.

Lewitikɔso 7:7

“Foɛlilɛ afɔleɛ ne, ɔte kyɛ bɔne nwo afɔleɛ ne ala, ofikyɛ bɛ nwo nhyehyɛleɛ te ko; naen ne te ɔsɔfo bɔ ɔkɔbɔ sɔ afɔleɛ ne deɛ.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?