Lewitikɔso 6:21 - AHYERƐLƐ KRONGRON

²¹ Odi kyɛ bɛfa ngoo bɛkye ye kyɛnzee nu; fora ye yé ná toto ye mmaa mmaa kyɛ aburoo afɔleɛ, ná fa bɔ afɔleɛ bɔ ɔbo AWURADE fona ɔ.

Lewitikɔso 6:21 Iomraidhean Croise

1 Aberɛso Dwirɛ 23:29

Afei odi kyɛ bɛboka ɛhemɔ koso yɔlɛ nu: paanoo bɔ bɛhyehyɛ ye folii ne, esam paa bɔ bɛfa bɛbɔ aburoo afɔleɛ ne, apiti kabrɛdi ne, afɔleɛ bɔ batoto ne, afɔleɛ bɔ bafa ngoo bafra ye ne, ɔne kyɛ bekosusu afɔleɛ nningyein nemɔ ye somaa ɔ.

1 Aberɛso Dwirɛ 9:31

Kora bosoniɛ Matitia bɔ ɔte Lewiniɛ, bɔ ɔte Salum bamuɛbaa ne, ye yeɛ né ɔto taterɛ taataa ne ɔ.

Lewitikɔso 11:33

Kukue biala bɔ bɛ nu biala kɔte kɔtɔ nu ne, nikyee biala bɔ ɔwɔ sɔ kukue ne anu nwo kogua fiɛ na odi kyɛ ɛmɔbɔ kukue ne.

Lewitikɔso 15:12

Kukue biala, sɛ sona bɔ ye bienzua fiti nwo ka ye a, odi kyɛ bɛbɔ ye; yeɛ sɛ ye nwo ka alaka biala bɔ bafa bakaa bayɔ a, odi kyɛ bɛfa nzue benwunzi ye nwo.

Lewitikɔso 2:5

Na sɛ w’afɔleɛ ne te aburoo afɔleɛ bɔ bahye ye kyɛnzee nu a, odi kyɛ esam kabrɛdi paa bɔ bafa ngoo bafra ye, yeɛ bɛfa bɛkye ɔ;

Lewitikɔso 6:22

Aarɔn bosoniɛ ɔsɔfo biala bɔ bɛkɔpopa ye ngoo maa okoosi Aarɔn gya nu ne, ye yeɛ ɔkɔbɔ sɔ afɔleɛ ne kɔma AWURADE kyɛbɔ bahyɛ ye afebɔɔ ɔ; odi kyɛ bɛyera ye mukoraa.

Lewitikɔso 7:12

Sɛ ɛbɔ fa da AWURADE ase a, ye de odi kyɛ ɛfa taterɛ kabrɛdi bɔ bafa ngoo bafete ɔ, apiti kabrɛdi bɔ bafa ngoo bafa ye nwo ɔ, ɔne mɔle paa taterɛ bɔ bafa ngoo bafete ɔ boka asennaa afɔleɛ ne aso.

Lewitikɔso 7:9

Aburoo afɔleɛ biala bɔ bato ye foonoo nu, ɔne bɔ bato ye turonzemaa nu, anaa kyɛnzee nu ne biala kɔyɛ ɔsɔfo bɔ ɔkɔbɔ afɔleɛ ne deɛ.