Lewitikɔso 6:19 - AHYERƐLƐ KRONGRON

¹⁹ AWURADE sele Mose kyɛ,

Lewitikɔso 6:19 Iomraidhean Croise

Ɛksadɔso 29:2

paanoo kabrɛdi, taterɛ kabrɛdi bɔ bafa ngoo bafete ɔ, ɔne apiti kabrɛdi bɔ bafa ngoo bafa ye nwo ɔ. Fa atokoɔ esam paa yeɛ yɔ ɔ.

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Lewitikɔso 10:18

Ɛ́mɔnea, ɛmɔamva ye mogya ne bamma nekaa krongron ne anu. Ahaa odi kyɛ ɛmɔdi ye wɔ nekaa krongron ne anu berɛ, kyɛbɔ nhyɛle ɛmɔ ne.”

Lewitikɔso 6:18

Aarɔn bosoniɛ baa bienzua biala, oli AWURADE afɔleɛ bɔ bɛbɔ ye see so bɛma AWURADE ne bie, kyɛbɔ bahyehyɛ bato berɛ daa wɔ ɛmɔ aworɛ ndoatoasoɛ amukoraati nu ne; sona anaa nikyee biala bɔ ɔkɔfa ye nwo kɔha sɔ afɔleɛ nemɔ ne, ɔkɔyɛ krongron.

Lewitikɔso 6:20

“Kyẽa bɔ bɛkɔpopa Aarɔn ngoo ne, afɔleɛ bɔ ɔne ye mma mmienzua mɔ ɔsɛ kyɛ bɛbɔ bɛma AWURADE ɛhe: daa biala aburoo afɔleɛ bɔ ɔte esam paa olonka ko; odi kyɛ bɛfa ye bue ngyerɛmɔ yeɛ ye bue nɔsoa.

Lewitikɔso 6:9

“Hyɛ Aarɔn ne ye mma mmienzua nemɔ kyɛ, ‘Naen yeralɛ afɔleɛ nwo nhyehyɛleɛ ɛhe: Odi kyɛ naen yeralɛ afɔleɛ ne, ɔda agyegyemvia wɔ afɔleɛ bokyea ne aso kɔngɔen ne amukoraa maa okodwu ngyerɛmɔ, ná odi kyɛ see ne kɔ so gye wɔ afɔleɛ bokyea ne aso.

Numeri 18:27

Odi kyɛ bebu sɔ afɔleɛ ne kyɛ ɛmɔ akyɛdeɛ ɛne. Ɔte kyɛ aburoo afɔleɛ bɔ mmenia fa fi nekaa bɔ bɛboro aburoo, ɔne anonneɛ afɔleɛ bɔ ofi kumaa bɔ betwi nu nzaa ne ala.

Numeri 18:9

Afɔleɛ krongron paa bɔ banyera bɛ wɔ see nu ne, ɛhe yeɛ ɔkɔyɛ wɔ kyɛfa ɔ: b’akyɛdeɛ biala bɔ bɛkɔfa bɛkɔbrɛ me kyɛ nikyee krongron paa ne, kyɛ ɔte aburoo afɔleɛ oo, bɔne nwo afɔleɛ oo, anaa foɛlilɛ afɔleɛ oo, ɔkɔyɛ wɔ ne wɔ mma mɔ deɛ.