Lewitikɔso 6:18 - AHYERƐLƐ KRONGRON

¹⁸ Aarɔn bosoniɛ baa bienzua biala, oli AWURADE afɔleɛ bɔ bɛbɔ ye see so bɛma AWURADE ne bie, kyɛbɔ bahyehyɛ bato berɛ daa wɔ ɛmɔ aworɛ ndoatoasoɛ amukoraati nu ne; sona anaa nikyee biala bɔ ɔkɔfa ye nwo kɔha sɔ afɔleɛ nemɔ ne, ɔkɔyɛ krongron.

Lewitikɔso 6:18 Iomraidhean Croise

Ɛksadɔso 29:37

Fa ɛlɛsoo pata wɔ afɔleɛ bokyea ne aso, te ye nwo, na afɔleɛ bokyea ne kɔyɛ krongron paa, na nikyee biala bɔ ye nwo kɔha afɔleɛ bokyea nen, ɔkɔyɛ krongron.

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Lewitikɔso 4:24

Ɔsɛ kyɛ ɔfa ye sa to abɔngye ne ti afia, ná oku kaka ne wɔ nekaa bɔ yeɛ beku naen yeralɛ afɔleɛ ngaka wɔ AWURADE nyunu ne; ɔte bɔne nwo afɔleɛ.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 4:33

Odi kyɛ ɔfa ye sa to bɔne nwo afɔleɛ ne ti afia, ná oku ye fa yɛ bɔne nwo afɔleɛ wɔ nekaa bɔ yeɛ beku naen yeralɛ afɔleɛ ne.

Lewitikɔso 6:10

Odi kyɛ ɔsɔfo ne wura ye nwera ataadeɛ ne, ná ówura ye nwera pieto ne ɔ́fa kata ye nwo. Naen yeralɛ afɔleɛ bɔ bayera ye wɔ afɔleɛ bokyea ne aso ne, odi kyɛ ɔsesa ye nzoen ɔfa gua afɔleɛ bokyea ne ngyɛnu.

Lewitikɔso 6:19

AWURADE sele Mose kyɛ,

Lewitikɔso 6:27

Nikyee biala bɔ ɔkɔfa ye nwo kɔha ye ne, ɔkɔyɛ krongron, na sɛ ye mogya ne bie bɔ pete ataadeɛ nu a, odi kyɛ ɛpo nekaa bɔ wabɔ wapete ne wɔ nekaa bɔ yeɛ ɔte krongron ɔ.

Lewitikɔso 6:29

Bienzua biala bɔ ofi asɔfokure ne anu ne, ɔkora odi bie; ɔte nikyee krongron paa.

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Numeri 18:10

Ɔte nikyee krongron paa, na ɛmɔli. Bienzua biala kora odi bie; ɔkɔyɛ krongron kɔma ɛmɔ.

Numeri 18:8

AWURADE sele Aarɔn kyɛ, “Afɔleɛ bɔ bɛfa bɛbrɛ me ne, bɔ ɔte Yisraelfoɛ akyɛdeɛ krongron amukoraa ne, mafa mawura wɔ sa. Mafa mama wɔ ne wɔ mma kyɛ ɔsɔfo kyɛfa bɔ ɔte ɛmɔ deɛ afebɔɔ ɔ.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

1 Petro 1:16

Ɔnate kyɛ, bahyerɛ kyɛ, “Ɛ́mɔyɛ krongron, ofikyɛ me, nde krongron.”

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.