Lewitikɔso 6:16 - AHYERƐLƐ KRONGRON

¹⁶ Na ye ngaa ne, Aarɔn ne ye mma mɔ beli; odi kyɛ bedi ye kabrɛdi wɔ nekaa bɔ ɔte krongron ɔ; beli ye wɔ ɛtena sua atenaleɛ ne aluo.

Lewitikɔso 6:16 Iomraidhean Croise

2 Aberɛso Dwirɛ 31:14

Akyɛdeɛ afɔleɛ bɔ bɛbɔ bɛma Nyameɛ ne, nningyein bɔ batu basie berɛ bama AWURADE ne hyɛlɛ ne, yeɛ afɔleɛ krongron nningyein ne hyɛlɛ ne, Lewiniɛ Yimina ɔwa Kore bɔ ɔte eyia afiteleɛ pambim so neafoɛ ne, ye yeɛ né owura ye sa ɔ.

Ɛksadɔso 12:8

Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Hesekiel 44:29

Aleɛ afɔleɛ, bɔne nwo afɔleɛ ne foɛlilɛ afɔleɛ yeɛ bekoli ɔ; ɔne nikyee biala bɔ batu basie berɛ wɔ Yisrael yeɛ ɔkɔyɛ bɛ deɛ ɔ.

Lewitikɔso 2:3

Aburoo afɔleɛ ne ngaa ne kɔyɛ Aarɔn ne ye mma mmienzua mɔ deɛ; afɔleɛ bɔ bɛbɔ ye see so bɛma AWURADE ne, ɛhe yeɛ ɔte krongron paa ɔ.

Lewitikɔso 5:13

Yiti ɔsɔfo ne kɔpata kɔma ye wɔ bɔne bɔ wayɔ wɔ ɛhemɔ biala nu ɔ, na Nyameɛ kɔfa ye bɔne kɔhyɛ ye. Afɔleɛ ne ngaa ne koso kɔyɛ ɔsɔfo ne deɛ, kyɛ aburoo afɔleɛ ne ala.

Lewitikɔso 6:23

Ɔsɔfo aburoo afɔleɛ biala, ɔsɛ kyɛ bɛyera ye mukoraa motoo; onni kyɛ bedi ɔ.

Lewitikɔso 6:26

Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Numeri 18:8

AWURADE sele Aarɔn kyɛ, “Afɔleɛ bɔ bɛfa bɛbrɛ me ne, bɔ ɔte Yisraelfoɛ akyɛdeɛ krongron amukoraa ne, mafa mawura wɔ sa. Mafa mama wɔ ne wɔ mma kyɛ ɔsɔfo kyɛfa bɔ ɔte ɛmɔ deɛ afebɔɔ ɔ.

1 Korintofoɛ 5:8

Yiti nnɛmɔma yɛfa mɔle harewaa daa ne, bɔ ɔte bɔne ne amumuyɛɛ yɛdi aluolue ne, na mmom ɛ́mɔma yɛfa mɔle kabrɛdi bɔ ɔte adwene bɔ nu te ɔne nahorɛlilɛ ne yeɛ yɛli ɔ.