Lewitikɔso 6:15 - AHYERƐLƐ KRONGRON

¹⁵ Aburoo afɔleɛ esam paa ɔne ngoo ne, ɔne ɛyɛɛ amukoraa bɔ ogua aburoo afɔleɛ ne aso ne, odi kyɛ ɔsɔfo ne sa ye sa bum ko, ná ɔyera ye wɔ afɔleɛ bokyea ne aso maa ɔyɛ ngayeɛ nikye bɔ ɔbo AWURADE fona ɔ.

Lewitikɔso 6:15 Iomraidhean Croise

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Lewitikɔso 2:2

ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:9

Odi kyɛ ɔsɔfo ne sa aburoo afɔleɛ ne bie fa yɛ ngayeɛ nikye, ná ɔyera ye wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 3:17

Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Lewitikɔso 6:14

“Aburoo afɔleɛ ne nwo nhyehyɛleɛ ɛhe: Odi kyɛ Aarɔn boso ama nemɔ bɛbɔ ye wɔ AWURADE nyunu wɔ afɔleɛ bokyea ne anyunu.