Lewitikɔso 6:14 - AHYERƐLƐ KRONGRON

¹⁴ “Aburoo afɔleɛ ne nwo nhyehyɛleɛ ɛhe: Odi kyɛ Aarɔn boso ama nemɔ bɛbɔ ye wɔ AWURADE nyunu wɔ afɔleɛ bokyea ne anyunu.

Lewitikɔso 6:14 Iomraidhean Croise

1 Aberɛso Dwirɛ 9:31

Kora bosoniɛ Matitia bɔ ɔte Lewiniɛ, bɔ ɔte Salum bamuɛbaa ne, ye yeɛ né ɔto taterɛ taataa ne ɔ.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:17

Na odi kyɛ ɔsɔ ye ndaa nemɔ anu osua ye nu, bɔ koso ɔmma ye nu nde koraa ɔ. Afei ɔsɔfo ne ɔ́yera ye wɔ afɔleɛ bokyea ne aso wɔ eyein bɔ ogua see ne aso ne aso. Ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 10:12

Mose sele Aarɔn ɔne Aarɔn mma bɔ baha bɔ bɛ ole Eleasa ne Yitama kyɛ, “Afɔleɛ mɔ bɔ bɛbɔle ye see so bɛmane AWURADE ne, ɛ́mɔfa aburoo afɔleɛ ngaa ne, ná ɛ́mɔli ye kabrɛdi wɔ afɔleɛ bokyea ne ngyɛnu, ofikyɛ ɔte krongron paa.

Lewitikɔso 6:13

Odi kyɛ see ne gye wɔ afɔleɛ bokyea ne aso daa; onni kyɛ onnua ɔ.

Lewitikɔso 6:15

Aburoo afɔleɛ esam paa ɔne ngoo ne, ɔne ɛyɛɛ amukoraa bɔ ogua aburoo afɔleɛ ne aso ne, odi kyɛ ɔsɔfo ne sa ye sa bum ko, ná ɔyera ye wɔ afɔleɛ bokyea ne aso maa ɔyɛ ngayeɛ nikye bɔ ɔbo AWURADE fona ɔ.

Numeri 15:4

ye de ebiala bɔ ɔbɔ sɔ afɔleɛ ne ma AWURADE ne, odi kyɛ ɔbɔ aburoo afɔleɛ koso boka so. Ɔ́fa aburoo esam paa olonka ko bɔ bafa ngoo towaa ko ne bue bafra ye ɔ.

Numeri 15:6

Boaen nyii de, fa aburoo afɔleɛ esam paa olonka nyɔ bɔ bafa ngoo towaa ko ne bue bafra ye ɔ boka so,

Numeri 15:9

ye de fa ɛhemɔ boka nandwie nyii ne aso: aburoo afɔleɛ bɔ ɔte esam paa olonka nza bɔ bafa ngoo towaa nza ne bue bafra ɔ,

Yohane 6:32

Yeɛ Yesu sele bɛ kyɛ, “Nahorɛ nu paa, mekã mekyire ɛmɔ kyɛ, nna Mose yeɛ ɔmane ɛmɔ paanoo bɔ ofi nyameɛso ne ɔ; na mmom me Baba yeɛ ɔma ɛmɔ nahorɛ paanoo bɔ ofi nyameɛso ɔ.