Lewitikɔso 6:11 - AHYERƐLƐ KRONGRON

¹¹ Afei odi kyɛ ɔye ye ndaadeɛ ne, ná owura ndaadeɛ foforɛ, ná ɔsoa nzoen ne kɔ asikyeleɛ ne asi dɔ nekaa bɔ berɛ te sannwuu ɔ.

Lewitikɔso 6:11 Iomraidhean Croise

Ɛksadɔso 29:37

Fa ɛlɛsoo pata wɔ afɔleɛ bokyea ne aso, te ye nwo, na afɔleɛ bokyea ne kɔyɛ krongron paa, na nikyee biala bɔ ye nwo kɔha afɔleɛ bokyea nen, ɔkɔyɛ krongron.

Hesekiel 44:19

Na sɛ bɛbaahɔ maen ne berɛ wɔ aluo berɛ pato nu berɛ a, odi kyɛ bepuropuro ndaadeɛ bɔ bewura bɛyɔle ɛsɔnenɛ adwuma ne begua pumbu krongron nemɔ anu, ná bewura ndaadeɛ mbaen bie; amaa ɔnate so bɛ ndaadeɛ ne amma mmenia ne anyɛ krongron.

Lewitikɔso 16:27

Bɔne nwo afɔleɛ nandwie nyii ne, ɔne bɔne nwo afɔleɛ abɔngye ne bɔ bɛfale bɛ mogya bɛɛpatale wɔ nekaa krongron ne anu ne, odi kyɛ bɛfa bɛ bɛkɔ asikyeleɛ ne asi; na bɛ nwomaa, bɛ naen ɔne bɛ fure ne, odi kyɛ bɛfa see bɛyera bɛ.

Lewitikɔso 24:9

Paanoo nemɔ kɔyɛ Aarɔn ne ye boso ama deɛ, na odi kyɛ bedi ye wɔ nekaa bɔ ɔte krongron ɔ. Ofikyɛ afɔleɛ bɔ bɛbɔ ye see so bɛma AWURADE ne, Aarɔn bue deɛ bɔ ɔte krongron paa ma ye ɛne, na ɔte bɛ deɛ afebɔɔ.”

Lewitikɔso 4:12

kaka ne mumua ne, odi kyɛ ɔsoa kɔ asikyeleɛ ne asi nekaa bɔ berɛ te sannwuu, nekaa bɔ bɛto nzoen begua ɔ, ná ɔ́yera ye wɔ see so. Nekaa bɔ bɛto nzoen begua ne yeɛ odi kyɛ ɔyera ye ɔ.

Lewitikɔso 4:21

Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 6:10

Odi kyɛ ɔsɔfo ne wura ye nwera ataadeɛ ne, ná ówura ye nwera pieto ne ɔ́fa kata ye nwo. Naen yeralɛ afɔleɛ bɔ bayera ye wɔ afɔleɛ bokyea ne aso ne, odi kyɛ ɔsesa ye nzoen ɔfa gua afɔleɛ bokyea ne ngyɛnu.

Lewitikɔso 6:12

Odi kyɛ ɔma see ne kɔ so gye wɔ afɔleɛ bokyea ne aso; onni kyɛ onnua ɔ. Ɔsɔfo ne ɔ́fa eyein gua nu ngyerɛmɔ biala, ɔ́hyehyɛ naen yeralɛ afɔleɛ ne wɔ so, ná ɔyera asomdwee afɔleɛ loe ne wɔ so.

Lewitikɔso 6:20

“Kyẽa bɔ bɛkɔpopa Aarɔn ngoo ne, afɔleɛ bɔ ɔne ye mma mmienzua mɔ ɔsɛ kyɛ bɛbɔ bɛma AWURADE ɛhe: daa biala aburoo afɔleɛ bɔ ɔte esam paa olonka ko; odi kyɛ bɛfa ye bue ngyerɛmɔ yeɛ ye bue nɔsoa.

Lewitikɔso 6:22

Aarɔn bosoniɛ ɔsɔfo biala bɔ bɛkɔpopa ye ngoo maa okoosi Aarɔn gya nu ne, ye yeɛ ɔkɔbɔ sɔ afɔleɛ ne kɔma AWURADE kyɛbɔ bahyɛ ye afebɔɔ ɔ; odi kyɛ bɛyera ye mukoraa.

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.